دعوه للحرب

كورنيش الأسكندريه .. قرب الغروب فى يوم شتاء ملبد بالغيوم .. العاصفه آتيه لا محاله .. الرذاذ الخفيف يتساقط .. و يتزايد .. يقود سيارته بثبات .. أربعينى .. متوسط البنيان قوى البنيه جبينه عال .. عميق السمره .. شبح ابتسامه مابين الثقه و الأستهتار .. رغم الرجوله الباديه فملامح ألم قديم تظلل وجهه كله .. نظراته ما بين الصلابه و الوقاحه .. هى جواره .. ثلاثينيه .. رغم ردائها الأقرب للرسميه .. تظهر أنوثتها المصريه العميقه .. عينان واسعتان فى تساؤل ..شفتان توحيان دائما بكبرياء الصمت .. كل الظواهر خارج السياره تؤكد أن العاصقه ستبدأ قريبا .. قريبا جدا ..
يوقف السياره مقابل البحر .. صامت .. ينزل من السياره و يتقدم نحو سور الكورنيش .. عيناه للأفق .. لا يغلق الستره .. هى تفتح الباب بحذر .. تنزل من السياره بتردد و هى تنظر ألى ظهره .. تخاف من الرذاذ على شعرها الأسود المنسق .. تقترب منه و توشك أن تمد يدها لتمسك بيده و تشده مره أخرى للسياره يحتميان من العاصفه الموشكه .. تتراجع عن الفكره .. تقف خلف كتفه ..
يشعر بأنفاسها رغم الرياح التى اشتدت الآن .. العاصفه تبدأ ..
ينظر للأفق ساهما .. يتنفس بثقه .. عيناه مفتوحتان فى تحد رغم رذاذ الموج الذى بدأ يتجاسر على اليابسه .. و من عمق صمته ..
ها أحارب -
.. شعرنا هايتبل -
الشمس بعد النوه هاتنشفه -
...هانبرد -
أجسامنا هاتقاوم البرد و تغلبه -
بهدله -
- عندنا أيه نخسره ؟؟
.......-
هاحارب .. معايا ولا عاوزه تستخبى ؟ -
.. هاتحمينى ..؟ -
.. بعمرى -
.. لو خفت .. هاتخبينى ..؟؟ -
بين دراعاتى .. -
ينظر لها من فوق كتفه بثقه .. و حنان .. ترفع رأسها و تزيح خصلة شعر من على عينيها..تبتسم .

انا حاسه بقوه -
انتى اديتينى القوه -
أنا ؟ -
قابلتك و انا حطام أنسان .. دلوقتى .. مستعد أحارب الدنيا كلها عشان حقوقنا .. مستعد أواجه العاصفه .القوه جتلى منك أنتى ..
أنا ؟ ... أنا ضعيفه .. -
و أديتينى كل القوه دى حتى و انتى فى ضعفك .. -

....... -
كأننا كنا عناصر خامله .. اول ما أمتزجنا .. فار التنور ...
( حمستنى .. ( و تمد يديها تمسك بذراعه .. يضم ذراعه ألى جنبه لتدفىء يديها -
شجعتينى -
سندتنى -
أمسكينى جامد .. و انا ألاطم الصخر .. -
..............

-............
-....................
أطلبيه دلوقتى ..-
هو أيه ؟ -
أطلبى -
... -؟؟
اطلبى اللى انتى عاوزاه .. -
- اللى هو أيه ؟؟ -
اللى عيونك دلوقتى بتقول أن نفسك فيه .. -
- .................
تعالى فى حضنى و استخبى .. -
( تلقى برأسها على صدره و هى تتشبث بذراعه القويه .. يلف يده على كتفها .. و يداه تحمى رأسها من المطر الذى بدأ ينهمر ..)
شفتى ..؟ طعم اللى بتعمليه بأرادتك و اختيارك أجمل بكتير من طعم نفس الحاجه لو استنيتى أنها تجيلك -هديه ..
علمتنى فى لحظه اللى مافهمتوش من سنين .. -
اديتينى فى لحظه قوه افتقدتها من سنين .. -
- ...............
مش هابطل مواجهه بعد كده ..
و انا معاك
-........
-...........
برق يشق الأفق .. يشبان معا بقامات مفروده .. و جباه عاليه .. يتحديان صوت الرعد القادم بعد لحظه .. رغم المطر المنهمر بغزاره