أحضرونا يا اخوانا
رفيقة العقل و القلب عشتار .. نشرت مؤخرا موضوع شديد الحساسيه بعنوان بصراحه مع العذر .. و بديبلوماسيه محترفه و أتقان سردى متفوق .. مع شوية ذكاء أنثوى من النوع الشامى المشهور لم تخطىء فى كلمه واحده .. و تركتنى مترددا فى التعليق عليها .. فلو أطلقت يدى فى التحليل كعادتى الحمقاء , قد انتهى فى وضع اللى داس فى الحلل , فأنا مسلم و الموضوع يتعلق بالمسيحيين المصريين تحديد .. أما لو لم أعلق .. هاتتقمص عشار .. و تقعد تقولى بتهمل التعليق , و بتكسل تقرالى .. و كلام من ده و بتاع .. و هى أصلا بعيوطه .. يعنى الحكايه مش ناقصه
بعد حيره شديده قررت أن احاول التصرف بذكاء ( مش عادتى و ربنا يسترها ) و ألقى بالكره فى ملعب آخر .. و لم أجد سوى من القت بهم رياح القدر ليشرفونى فى مدونتى و يغرقوا فى كآبتى و سودويتى المعهوده .. صحيح .. يعنى هو اللى بيقرا مواضيعى هايجراله أيه تانى أكتر من كده ..؟ عادى بقى
و عليه .. ادعوكم جميعا لقراءة موضوع عشتار و التعليق عليها .. و أعدها بأن تعليقى أن شاء الله .. سيكون من آخر مايصلها من تعليقات
ربنا يقدرنى دايما و ادبس اصحابى
posted by lastknight | 8:09 AM
6 Comments:
ازيك يافارس يا قديم يارب تكون خرجت من الكآبة .. انا دخلت على عشتار وقريت المونة مرتين وعلقت عليها بس يارب اكون فهمتها وعلقت عليها صح انا اصلى مفهمش فى الكلام ده اوى بس بحاول
الرقيقه يوسى كات .. شكرا لمتابعتك .. و ارجو مراجعة ردى عليكى فى موضوعى السابق .. كمان سألتينى سؤال .. مش هاعرف ارد عليه هنا .. لكن عموما يشرفنى التواصل معاكى .. اتفضلى راسلينى على بريدى المباشر .. موجود فى البروفايل بتاعى .. او خديه من ياسر
شرفتينى ..
فارس
آسفة مش رح أقدر ساعدك هون لأن الموضوع بيخص المسيحيين و الكنيسة القبطية بالذات و أنا ما عندي أدنى فكرة عن العلاقة بينهم في مصر بس بما إنك مصري و عندك صحاب من الأقباط مش شايفة أي مانع إنك تقول رأيك بموضوعية و حيادية في حدود اللي أنت بتعرفه عن الموضوع كرمال رفيقة قلبك و عقلك عشتار
يلا يا بطل حط تعليقك ورح أرجع أتفقد البوست عندها لشوف شو رح
تعك ...قصدي تعلق
الله معك
السلام عليكم و رحمة الله و بركاته
الاخ القديم ... فارس
تحية طيبة
انا قرأت تقريبا كل ما كتبته في مدونتك..و احب ان ابلغك خالص تحياتي علي افكارك و تحليلاتك... و للعلم ان لا اري مطلقا اي سوداوية او كأبة او تشاؤم فيما تكتب... ولكن ما هي الا وقائع تقوم بسردها بمنتهي الواقعية و الصراحة التي دائما ما نهرب منها كعادة الشعب المصري... او ان كان لابد من مواجهتها فنقوم بتجميلها و تزويقها... فيا سيدي الفاضل برجاء الاستمرار علي نفس المنوال الصريح... و لا تتاثر بالسلبيات المترسبة فينا كشعب منذ القدم... لقد حان اخيرا وقت مواجهه كل العيوب و التوقعات حت ولو جاءت بما لا تشتهي السفن... و رجاء ايضا عدم الانقطاع مدد طويلة مهما بلغت مشغولياتك... فكثير منا ينتظر مواضيعك للتعليق عليها و مناقشتها.
واخيرا و ليس اخرا.. تحياتي لك
الحقيقة يا فارس عشتار أخدتني ع الثابتة ولسة مش لاقي تعليق اقوله
عموما شكرا
أوعدها و أوعدك بالتعليق
عندما أفهم
سأحاول ثانية
Post a Comment
<< Home