أخاكم الفالح .. فى أخبار الأدب
أخيرا .. واحد صاحبى أسمه و صورته طلعت فى الجرايد و مش فى صفحة الحوادث .. أخاكم الفالح .. عمر قناوى .. مكتوب عنه موضوع فى صفحه كامله فى جريدة أخبار الأدب .. طبعا طاير من الفرحه .. و غرمنى حق جرنان عشان أقرا عنه .. أنا كمان أدعوكم لقراءة الموضوع عن مكتبة السندياد فى الجريده المذكوره ..
الف مبروك يا عمر .. و عقبال كده مانشوفك على السى أن أن .. ضمن معتقلين جوانتاناموا
و بالمناسبه .. عمر ناوى يعمل ندوات فنيه فى رمضان بعد الفطار قدام المكتبه .. فى الشارع يعنى .. حاجه آخر سوقيه .. بس أنشاء الله تكون ناجحه .. الدعوه عامه لجميع .. و القعده بالمشاريب من القهوه اللى جنبنا
posted by lastknight | 11:53 PM
9 Comments:
مبروك
سى عمر نزل على اخبار الادب؟؟
الف نهار ابيض وعقبالك انت كمان كدةماتنزل على البى بى سى
تعرف؟
عمر القناوى بقا سمة مميزة من سمات مدونتك هو وعشتار...بقينا متعودين عليه هنا...تحياتى الك يا عمر يا قناوى
وعقبال كدة ما تطلع فى فيلم ليوسف شاهين بس مش بتاع بااب الحديد
غير بقا واطلع فى حدوتة تانية
---------
عمر انقذك المرة دى من البوست الجديد
انزل بالجديد بقااااااااااااا
يلااااااااااااااا
شهرزاد الجميله
فعلا عمر و عشتار أصدقائى وشركائى فى الفكر و التسكع ..
و متهيألى ععمر مش هايليق عليه غير دور قناوى فى باب الحديد .. هاهاهاه
و الحمد لله جت سليمه .. بالنسبه للبوست الجديد .. مش قادر أركز فى حاجه اليومين دول .. الشغل بقى حالته غبيه .. لكن ربنا يسهل
___________________________
ألى رانيا
شكرا ياستى .. و عقبالك انتى كمان ..
رفيقي الغالي الفارس أشكرك علي اهتمامك بما نشر عني وده العشم برضه لأنك صديق حقيقي وأكيد هفتكرك لما أبقي نجم أن شاء الله في القريب العاجل وبالمناسبه اشكر الأخت شهروزه علي ما كتبته رغم انها حسستني إنها (بتردح ) مش بتبارك وياريت تقوللها ان اسمي عمر قناوي مش القناوي وبالمناسبه انا كنت همثل فعلا مع يوسف شاهين من كام سنه بس قلت الأدب فضلوه عن التمثيل خصوصا أن يوسف شاهين لسانه طويل والواحد مش حمل تهزيء تحياتي
ألى عمر
رفيقك ؟؟ ناقص تقولى التقدمى الوحدوى .. مش هاتبطل بقى شغل اليسار اللى معشش فى دماغك ده ؟ و بعدين لا شكر على واجب ياعمر .. أنت فعلا صديق ورفيق .. بالنسبه لشهرزوده .. و الله ياعمر هى كده على طول .. عادى يعنى .. شوف مدونتها و انت تعرف هى بتكتب ازاى من غير ماحد يعملها حاجه .. عموما يوسف شاهين مش من مستوانا .. أحنا نمثل مع فيللينى .. مين فللينى ده ؟
الى الفارس
لم اعرف عمر قناوى الى من تعليقاته التى تنتهى بتوقيع عمر
لكن اعرف انك الملقب بالفارس وارى انك تتصرف بنفس اخلاق الفرسان
فدائما تذكر اصدقائك بالخير ودائما تشير اليهم ولا تنسى ان تقف خلفهم
هذا ما عهدناه من اخلاق الفرسان
اما الفارس المجهول عمر الذى يابى ان تكون له مدونة تحمل اسمه ويضن علينا ببعض الكتابات غير انها تنشر على صفحات الجرائد فبلغه اننا نسأله ان
يتقدم ويدخل الى العالم السيبيرى التخيلى حقا لن يخسر الكثير ولكن سنكسب نحن بوجوده معنا
تحياتى لكما
ده خبر جميل
لا مش موضوع اخبار الادب موضوع الندوة والكنافة والقطايف مش قلت في عرقسوس كمان
كراكيب كركوبة
طيب يا جماعه بما أن كل الناس بتقوللي أعمل مدونه أنا عملت مدونه عشان تنبسطوا والعمر واحد والرب واحد www.alnadem-downtown.blogspot
الى توتا
شكرا على أطرائك الذى لا أجدنى أستحقه .. عموما عمر قناوى فعلا سمع كلامك ( مع أنه ماسمعش كلامى أنا من زمان ) و عمل مدونه أسمها النديم .. هاتلاقي عنوانها فى تعليقه هنا
____________________________
ألى نيرفانا
شكرا على زيارتك ..مدونتك جميله و ثريه .. و التعليق عليها يحتاج لتركيز ووقت لا أملكه الآن .. لكن بأمر الله قريبا
_________________________________
العفريته الصغننه
الحمد لله .. عمر عمل مدونه فعلا و عنوانها منشور هنا ..
و متشكر يا ست الكل على تمنياتك الرقيقه
و بانتظارك فى الندوات أنشاء الله
_____________________________ألى كراكيب
ياستى شرفيناو هاتلاقى كل حاجه
مدونتك جميله
_________________________
ألف مبروك يا عمر
من حيث أنك كنت أنت من عرفني على الرائع عمر ابن أنكل قناوي
ومن حيث أنني قابلته وقعدنا في الجريون
(وعارف إنه بيتغاظ جدا من تسييحك ليه في موضوع الجريون واليوناني)
ومن حيث أني قابلته من خلالك على الرغم من أني لم أتقابل معك بعد
فلابد إذن أن أدلي بدلوي في هذه الليلة
ولابد أن أقر بأنني لم أدخل لسة على مدونة النديم
ولكن لابد أن أدلي الأول بدلوي ثم بعدين أبقى أدخل زي ما أنا عايز
المهم
ليس لدي سوى التعبير عن امتناني لك أيها الفارس الأخير
(مين قال إن لاست نايت تبقى فارس قديم؟)
أمتن لك لأجل أنك عرفتني بهذا المناضل الجميل عمر قناوي
وبعون الله شكلنا كدة هنبقى شلة واحدة منيلة بستين نيلة
وهنقضي أيام لطيفة سوا
سواء خارج المعتقل
أو لما نخشه بعون الله
تحياتي لك يا عمر من هذا المنبر
لحد ماخش على منبرك اللي هو مدونتك
Post a Comment
<< Home