أخاكم الفالح مره أخرى
أخاكم الفالح عمر قناوى .. منشور عنه تحقيق كاما فى جريدة الوفد الصفحه العاشره .. أقروه بسرعه قبل نفاذ الطبعه
و طبعا كشف نفسه اللى عاملى فيها بلوريتاريا .. بيتكلم فى الوفد .. جريدة الأرستقراطيه المصريه العريقه .. طبعا .. تطلعات البلوريتاريا بتظهر فورا .. و لسه لما يبقى رئيس جمهوريه .. ده هايورينا أيام زى الطين
مبروك يا عمر .. و من نجاح ألى نجاح أنشاء الله
posted by lastknight | 1:39 AM
4 Comments:
دي مش بتاعه مبروك دي يستاهل فيها الدبح ههههههههههههه ولنا لقاء يوم الخميس ونهني السيد الرئيس
عمو
عمو
هات جنيه أشترى الجرنان
يعنى كده بقا مشهور
طيب هو هايجيب سيرتى
بلاش عشان مش بحب الأضواء
أنا بحب سلاح التلميذ
ممكن أعرف هو فى الوفد ليه أو بيقول أيه
هو أنت ليه مشغل الكمنت مودريشن
حاجه تخنق بجد
يااااااعمووووووووووووووووووو
العزيز فارس
تفتكر اخانا الفالح عمر ممكن يشترى نسخ الجريدة ويوزعها علينا بدل الشحططة دى
طبعا يستحق صاحب السندباد ورحلاته عبر الكتب ان يجنى بعض من ما زرع
هبارك ليه هناك بس حبيت اشكرك هنا انك ما نسيته
تحياتى
المزاجانجى الرائع
بأمر الله نتقابل كلنا يوم الخميس .. مش عارف موضوع الندوه هايكون أيه .. بس غالبا موسيقى .. أنت تعالى و خلاص ..و نبقى ندبحه براحتنا
_________________
الأميره أوسه
يعنى هو يتشهر و أنا أغرم ؟ عموما يا ستى أنى الأميره أوسه و مقامك أكبر بكتير من جنيه .. عموما تعالى احضرى الندوات معانا عند المكتبه .. و هاجيبلك شوكالاته لو مالقتلكيش الجرنان
لو عاوزه تعرفى أيه اللى أتكتب أقرى مدونة الحاج جرجس .. كاتب الموضوع بالتفصيل
اما ألكومن موديريشن .. فبعينك أنى أشيله .. مش هايحصل
__________________________
العفريته الصغننه .. أبنتى الحبيبه أبيتاف
مسألة أن عمر يتمنظر علينا عشان اتشهر .. بصى هو واطى و يعملها ..بس مايتهيأليش لأننا بنطرقعله أول بأول .. يعنى الجريده طلعت و احنا قاعدين عنده .. بهدلناه بمليون جنيه .. و بالتالى مش هايتمنظر أنشاء الله
أنا فرحان بيكى جدا أنك عرفتى توصلى المكتبه لوحدك ماشاء الله .. تعالى شرفينا يوم الخميس أنشاء الله الساعه 9 باليل ..فيه ندوه موسيقيه .. و أوعدك أجيبلك شوكالاته زى أوسه .. و ممكن كمان أجيبلك بالونه
______________________و كل سنه و انتى طيبه ياست الكل .. و الحمد لله رمضان زى الفل معايا و مع الأولاد .. بس حالة السوق السنه دى زى الزفت .. و ربنا يسترها
______________________
العزيزه توتا
و الله تعالى يوم الخميس و قابليه و قوليله على حكاية نسخ الجرنان دى ...بس أللى أعرفه أنه كريم بعباطه .. و ممكن يكون اشترى كل نسخ الجرنان عشان اصحابه .. صعيدى بقى
Post a Comment
<< Home