مالحقناش
مالحقناش نفرفش شويه بعد الموضوع الخفيف الأخير .. نصيبنا بقى و الحمد لله على كل حال , وائل عباس فى الوعى المصرى أتحفنا بتلات شرايط فيديو من العيار الصادم جدا ..و الحاج جرجس فاجئنى برجوعه للتدوين من الأجازه الأكتئابيه و بموضوع يطرح أسئله من العيار التقيل جدا .. عموما اليوم هو موعد مقابلتى لأولادى .. أخرج معهم اليوم بأمر الله و طبعا و أنا أحمل سلاحى الشخصى الغير مرخص كما قررت من قبل .. و حين أعود بأمر الله .. أحاول التفكير بصوره أكثر واقعيه .. و هذه المره ليس فقط بغرض التحليل فقط .. لكن أيضا بغرض السؤال .. و ماذا بعد ؟ .. أرجوكم مراجعة الروابط أعلاه .. و الله المستعان
posted by lastknight | 12:23 PM
6 Comments:
دايما فى سؤال المفروض نسأله بقول ده لنفسى ولكل الناس اللى بثق انهم عمرهم ماهيتهمونى بالجنون ولا بالفذلكة
فىىسؤال لازم يتسأل كل ثانية
هو ايه لسه مش عارف
او ممكن اكون عارف بس مش متاكد عموما أكيد فى يوم هنسأله واكيد لازم نلاقى له اجابه
ملحوظة : تعالوا زورونا
http://tarposhman.blogspot.com/
منه لله وائل عباس كل يوم يتحفنا بمصيبة جديدة على الصبح
انا طبعا ماشفتش الفيديو لانه اترفع من الموقع الاساسي لكن وائل كان ناشر صورة وش الراجل وكان عليه كمية مفزعة من الالم والقهر
عارف ايه اللي اسوأ من الالم يا فارس .. القهر .. الاحساس بالقهر
متخيلة ان احساس الراجل ده حتى لو كان سفاح وهو بيتخيل انه مش بس بيتعمل فيه كده لا وبيتصور كمان وان التصوير ده ممكن حد من اصحابه ولا قرايبه ولا حتى ولاده يشوفه .. احساس مفزع بالذل والاهانة ..
واضح ان العقاب بالانتهاك اصبح حاجة شائعة في بلدنا بنستخدمها شعبا وحكومة .. واكيد ده تقليد عربي صميم ..
الى الرجل الطربوش
لاحول ولا قوة ألا بالله .. موما شكرا على زيارتك
______________________________
القهوه الغاليه .. العاليه سابقا
طبعا القهر هو صناعه عربيه خالصه .. لو راجعنا من أول ابن خلدون حتى الكواكبى .. القهر صناعه عربيه .. و أكرر أن الرافد العربى فى حضارتنا افسد كل القيم الأنسانيه الراقيه التى سبق وحصلنا عليها من روافد حضاريه أخرى منذ اليونان و الرومان و حتى الفرنسيين أو الأنجليز ,,المسأله مبدأ ... التفريق بين ماهو أسلامى و ماهو عربى .. هناك يكمن مفتاح الحل .. لو اتبعت ماليزيا و أندونيسيا الحضاره العربيه باعتبارهما دولتين أسلامينين كان زمانهم ميتين من الجوع و القهر و الفقر و الظلم زينا .. لكن ببساطه فرقوا بين الرافد الأسلامى و هو الدين الذى هو لله و الوطن للجميع .. و قبلوا و آمنوا بالأسلام .. و رفضوا عوار العروبه .. كذلك أيران و تركيا .. فعلا الطلم صناه عربيه صرفه .. و لن نتطور قبل معرفة ماذا نقبل و ماذا نرفض.. و الله المستعان
مش هاتتجوزينى طيب ؟
الاستاذ/ طربوش
رجاء ارسال الكتالوج لما كتبت فانا ضعيف عربي و دي حاجة انا و كل اصدقائي عرفنها اني ميح عربي او جرامار يعني بس انك تنجح في انك توصلي اني حمار عربي دي جديدة فرجاء ارسال الكتالوج للترجمة حتي افهم ما كتبت و لك جزيل تحياتي and my best regards
note : رجاء عدم زيارتنا او الكتابة هنا من اساسة الي ان تكبت انت ما نفهمة احنا فكرتني بشوخ الجوامع الي تسالة سؤال يرد عليك باية من الايات الي قلبك يحبها طب ما انا عارف الاية عاوز بقي الترجمة يقولك في كتاب الله
طب ما تشرح يعمل نفسة موش سامعك غالبا بيبقي هو زاتة عاوز الي يفهمة معناها
مستني اقرا تحليلك يا استاذ ... جيت مرتين اشوف اللي انت وعدت انك هتعلمه و ما شفتوش ...
انتوك
الى ياسر أخويا
شكرا
______________________
ألى كراكيب العزيز
ربنا يسهل .. الكآبه غلبت كل دوافع التفكير و العمل .. لكن حاضر ..من عيونى
Post a Comment
<< Home