فارس قديم

احلام و أوهام و أمنيات .. أليست كل المبادىء كذلك ..؟ حتى أخلاقيات الفرسان

Name:
Location: cairo, Egypt

قد أكون أكبر المدونين سنا ..ما أكتبه هنا بدأته منذ سنوات فى دفاترى .. كتبت لنفسى .. و لأولادى حين يستطيعوا استيعاب ماكتبت .. رأيت أن لامانع من نشر بعض مافى الدفاتر .. فى حريه تااااامه

Tuesday, October 17, 2006

نموذج جديد من الأستمناء العقائدى

بعد ماحدث لى فى ثالث أيام رمضان .. حين تشاجرت مع أمام المسجد القريب من بيتى لأصراره على أذاعة القرآن فى الميكروفون قبل الأفطار بساعه .. مانعا أياى و كل جيرانى المسلمين من الأستمتاع بقرائة القرآن قبل الأفطار و تدبره و كذلك مسببا الأزعاج لجيرانى المسيحيين و بصوره تنفر من الأسلام بوجه عام .. و بعد ما حدث للأب المحترم والد زميلنا الحاج جرجس ليلة ظهور الرؤيا كما ذكر فى مدونته ..هاهى الصديقه الغاليه عشتار .. تتعرض لذات الأذى .. فقط لكونها مسيحيه ..
الوصلات أعلاه من المفترض أنها تفتح القصص المنشوره بتفاصيلها لدى الأصدقاء
فى ضؤ موضوعى السابق .. أليس مافعله الجميع حين آذونى و آذوا والد صديقى جرجس و آذوا عشتار .. اليست كل هذه الأفعال تندرج تحت تصنيف الأستنماء العقائدى ؟؟ المعتدين فى جميع الحالات عاجزون عن ممارسة تدينهم بشكل طبيعى و حقيقى .. أما لجهلهم أو ضعف أيمانهم أو جبنهم و خستهم أو مجرد تهربهم من الألتزام بحقيقة الدين الحنيف .. و بدلا من الخيابه فى الواقع .. تهربوا جميعا ألى دنيا الخيال .. الجهاد المزعوم بأيذاء كل من يختلف عنهم .. سواء كان مسلما يرغب فقط فى اتباع أوامر الله الصريحه فى كتابه الكريم بتدبر القرآن حين قرائته مما يستلزم التركيز دون أزعاج خارجى .. أو كان أبا مسيحيا وقورا يمضى فى الشارع لخدمة الأله الواحد بطريقته التى ارتضاها و اختارها دون أكراه .. أو كانت أنثى محترمه تكتب بوقار و أحساس عن مشاعرها و تجاربها الأنسانيه
أنه الأستمناء فى أبشع صوره .. الهروب بجبن من الواقع .. و الأغراق بخسه فى التخيلات .. كلهم حقراء حقروا الدين الحنيف و أهانوا الرساله و الرسول قبل أن يهينهما أحد
ألا لعنة الله على الغارقين فى استنمائهم و نجاستهم ..

29 Comments:

Blogger عشتار said...

عزيزي الفارس
شكرا لانك ذكرت مدونتي هنا
وما يحصل هو فعلا كما ذكرت تكملة لحالة الاستمناء اللتي يعيشها هذا المجتمع المخصي العقل والعاجز فكريا
اسفة على القباحة في اللفظ
ليس بامكاننا الا ان نسمع اصواتنا عاليا ونتحدى هؤلاء الجهلة على الاقل محاولة منا لوقف هذا الزحف من القبح
تحيات

9:52 PM  
Blogger Ahmoss said...

LastNight ,,

I am really curious to know, what happen after this fight.
1- The volume was turned down.
2- Ppl gather and hit u for the sake of Mawlana.
3- Ppl gather but listened to ur point of view.
4- NOthing

and my guess it is no. 4

Regards

10:46 PM  
Blogger tota said...

العزيز فارس
تكملة لسلسلة الضعف الدينى التى اصابت الشعوب والتى باتت تصرفاتهم لا تدنو حتى من قشور الدين ناهيك عن لبه تدخل عشتار الدائرة بعد جرجس وبعدك مع اختلاف دين كل واحد فيكم ولو فتحت باب تلقى الحكايات لوجدت ان لكل منا حكاية

اذا يبدو ان الحكم بان هذا ضعف دينى لا يصف الحدث فهو ضعف دينى ممزوج بغياب الاخلاق والرقى الانسانى وخطوة اخرى على طريق الانحدار

شكرا على مشاركتك عشتار وجرجس وتجربتك الذاتية فيجب الاشارة الى السىء كما تشير الى الجيد

11:18 PM  
Anonymous Anonymous said...

انت فارس بعقلك وبافكارك اشكرك على الاهتمام بالمواضيع المهمة وانت من الاشخاص الذين يعكسون اخلاقيات دينهم من خلال احترامهم للاخر

في كل كلمة تكتبها تعلمني دروسا لم اقراها في الكتب ولا شهادتها ولا سمعتها

دروسا اهم هي انتاج سنين خبرة وعلم

والموضوع هام جدا وكحرصك دائما على قول الحقائق من دون زيف
اشكر يدك وعقلك
واتساع افقك
وخبرتك

وعشتار ليست لوحدها
ما دام هناك اشخاص مثلك

11:21 PM  
Blogger الغـــــــــــــريب said...

قرأت ما كتبته عشتار
وبالطبع أعرف ما حدث لجرجس وما حدث معك من نقاش مع أمام المسجد
اليوم يا سيدى حضرت لى أبنتى الصغيره الوحيده التى أحاول جاهدآ أن أعلمها
ماهى المواطنه وأن الله خلقنا على أختلاف ألواننا و معتقادتنا لنعبده
واننا جميعآ بشر
حضرت اليوم من المدرسه تتسأل عن ماتسمعه من زملائها والمدرسين عن المسيحيين وأن أسمائهم تختلف عنا وأشياء ليست هامه لكنها البدايه لفكر يزرعوه فى عقول الصغار قائم على التعصب والكراهيه
بالأضافه لعزل الولاد عن البنات
فى الفصل الدراسى الواحد
رغم أنهم فى المرحله الأبتدائيه
تحت مسمى الصبيان خطر
والبنات لا يجوز لهن الأقتراب أو مجالسة الصبيان العفاريت
هنا يعلمونهم التفرقه على أساس دينى
أو على أساس الجنس ولد و بنت
بدلآ من أن يربوهم على الحب والتعاون
و تعليمهم الأخلاق
هذه هى بلدنا بكل أسف
ولن أجامل أحد وأقول أن من ترك تعليق لدى عشتار هو فرد يعبر عن نفسه
أو من تطاولوا على والد جرجس
هم حفنه من البشر
للأسف أنهم الأغلبيه الذين تربوا على كراهية الآخر
وتكفير الغير وفكرة أن الأنثى وباء وعوره
بعد رجال الدين أنفسهم يشجعون على تلك الأفكار وجعلوا من أنفسهم جماعه للأمر بالمعروف والنهى عن المنكر
حتى سياسة الحكومه تشجع على الأضهاد والتفرقه بين أفراد الشعب
أنه الوجه القبيح للفكر العربى
ولا أقول الفكر الأسلامى لأنى مسلم وأعلم أن الأسلام بعيد عن ذلك
لكنها الأفكار الوهابيه كما قولنا سلفآ التى تتوغل فى مجتمعنا وتزيد
يوم بعد يوم
هل لديك أمل عزيزى فارس فى حدوث أصلاح
ومن أين يأتى الأصلاح فى مجتمع فى هشاشة مجتمعاتنا القبليه
هل يكون الحل الأمثل فى دوله علمانيه
تفصل الدين عن أمور الدنيا
لا أجد الكلام المناسب
الموضوع أصعب من أن يحل
طالما القائمين على هذا البلد
لايبغون التغيير
ربنا يرحمنا جميعآ

12:39 AM  
Blogger lastknight said...

الغاليه عشتار
مره أخرى كالعاده ترشدينى و تحمسينى للطريق الصحيح .. فعلا .. علينا جميعا أن نرفع أصولتنا أمام الجهل و التخلف و الظلام ..
و أظن فى تعليقات الناس عندى و عندك حول الموضوع مايعطى أملا فى أنه مازال فى هذه البلاد من لهم ضمائر حيه
__________________________
to Ahmoss
you are right .. yes nothing happened eventualy .. but I had eftar at the police station that day .. I hitted the man
------------------------------
توتا الجميله
عندك حق .. غياب أنسانيه و أخلاق .. فعلا
____________________________
ألى رشا العزيزه
شكرا على أطرائك الذى أرانى لا أستحقه .. نحن جميعا بانتظار زيارتك للقاهره و تشريفنا فى السندباد .. و فهمت أنك على اتصال بالجميع لترتيب اجتماع فى هايد بارك السندباد .. أهلا بيكى
___________________________
الغريب القريب
تعانى ابنتى و ابنى من مشاكل قريبه من ذلك .. رغم أن ابنتى فى مدرسه أنجيليه .. ألا أن التطرف من الجانبين المسلم و المسيحى لم يترك أحد .. و حتى فى النادى .. الكارثه أن أيديولوجية التطرف ( أذا جاز تسميتها بذلك ) مبنيه فى الأساس على جهل المتلقى ...و ظلام عقله .. أعتقد الحل ليس فى الحكام .. الحل يبدأ منا نحن .. بالتنوير .. و التعليم الحقيقى

1:58 AM  
Anonymous ألِف said...

يا أخي الموضوع دا شاغلني دالوقتي برضو!

من ساعة ما بنوا المسجد العشوائي ال قدام بيتنا و أنا عارف أن هييجي يوم يحصل فيه ال بيحصل دالوقت.
المشكلة أن الناس بتخاف تتكلم لحسن حد يسمعهم كلمة من نوع "أنت مش عاجبك كلام ربنا".

المهم أني زي الأيام دي من سنة كنت وضحت لإمام المسجد و هو شخص هادئ و محترم، أن مفيش داع لإذاعة الصلاة في الميكروفون و اتفقنا. لكن بعد شهور لقيته بيجرب مرة يصلي في الميكروفون، قلت يمكن نسي، لكن الموضوع طلع أنه بيجس النبض و يشوف فيه حد هيعترض و للا لأ، و جا رمضان و بقى فيه صلاة تراويح ساعة بعدج العشاء، و صلة قيام في منتصف الليل و خطبة كمان!

أنا دالوقت أظن أنه الموضوع فيه ضغط من الناس على بعض، كل واحد عاوز يبين أنه أكثر تدينا و أحرص على إعلان تدينه للعالم. و أحيانا أظن أن فيه نوع من المنافسة على الريادة الدينية و اجتذاب المصلين في المساجد الأهلية، لأن تقريبا يوجد مسجد أو مصلى كا 500 متر و كلهم يصرون على تعلية صوت الميكروفون جدا كأنه إعلان! أو كأن الميكروفون من شعائر الصلاة التي لا تجوز من غيرها، و بكدا تكون الصلاة و الكهرباء مقطوعة باطلة :)

اقرا كدا

2:55 AM  
Blogger ekraammalik said...

السلام عليكم
مع احترامي الشديد لوجهة نظرك ومع احترامي لجرجس وعشتار وماحصل لهما الا ان وجود القرأن في رمضان تحديدا في المأذن جزء مهم من ملامح الشهر... وخاصة في بلداننا... المسيحيون لن يشتكوا حتى لو كان ذلك يضايقهم لانهم يحترموا الاغلبية وطول عمرهم عايشين وسطنا ويحترمونا وما اشتكوا فلماذا تشتكي بدلا منهم؟؟؟ ولماذا تريد تغيير ملامح الشهر اصلا؟ يعني انت تريد تقرأ قرأن ماتقرأ لن يمنعك الصوت ابداإن كنت متوجها لله به وهذا شأنك عموما بينك وبين ربك....لن اتدخل وليس من حق اي احد ان يتدخل تقرأ او لاتقرأ تركز أو لاتركز...
لو طلبنا ازالة الاهرام من مصر فهل ستبقى مصر مصراً؟ ولو شلنا الاسكندرية من على البحر هل ستبقى الاسكندرية اسكندرية؟ وهكذا لو طلبنا ان لايرفع القرأن في رمضان فهل سيبقى رمضان رمضانا؟ طيب الم تفكر كم من الناس الاميين الذين لايعرفون القراءة قد يستفادون من هذه الفرصة؟ وكم شخص تحتم ظروف عمله ان يكون لاهيا عن قرأة القرأن سيستمع له؟ وهل فكرت انت أن تسمع للقارئ بإنصات وتركيز؟ وصدقني سيكون اجرك نفس أجر القراءة ان لم يكن اكبر .... الا يجعلك سماع القرأن يشعرك بالمشاركة مع الاخرين الذين يسمعوه بطريقة أو أخرى؟

انا لا اعترض انها وجهة نظرك الا انك بالغت جدا في ردة فعلك.... والمبالغة الاكبر انك ضربت الرجل!!! بمعنى انك غير قادر على ايصال وجهة نظرك بالعقل فاستخدمت القوة طيب هل هو هذا اسلوب الحل؟؟؟؟

انتظر سماعك

اكرام

8:24 AM  
Blogger bluestone said...

عزيزي فارس
للاسف الوضع أسوأ مما يمكن لاحد تخيله ..
الكلام اللي قاله الغريب مظبوط مية في المية .. احنا اتربينا على مبدأ تقسيم البشر والتفرقة .. بقينا بنحكم على الناس بالتصنيف .. بحسب الجنس الدين اللون الوضع الاجتماعي المنصب الحالة المادية التقسيم الجغرافي .. اي حاجة .. بس المهم انه لازم يكون فيه تصنيف .. ومن يخرج عن هذا التصنيف مش محسوب .. يتم لفظه خارج المجتمع ...
من أول ما الطفل بيبدأ يوعى .. بيبدأوا يعلموه ان فيه فرق بين الولد والبنت ..الولد عنده حرية اكتر .. الولاد عفاريت ابالسة البنات متعلبش معاهم ..
وبعدين فيه مسيحي ومسلم .. من اول كلام المدرسة (الولاد المسيحيين يقوموا يقفوا .. ويطلعوا من ميس مريم في فصل تاني عشان حصة الدين) لحد تفسير (انصر أخاك ظالما أو مظلوما)
على فكرة انا سمعت التفسير ده بوداني ..

يمكن التصنيف ده بيدي نوع من الامان وبيخلي الواحد مايتعبش نفسه في استكشاف الاخر أيا كان واختبار التعامل معاه .. فاللي مش معايا يبقى علي .. المختلف عني يبقى عدوي .. ومفيش مانع اكفره ويمكن كمان آذيه ..
وببساطة وكرد فعل ينزوي هذا الاخر ويتكتل مع أمثاله (في كنيسة في اجتماع في سكن في فكر) وينظر لهذا المسلم كأنه العدو والوحش المفترس الذي يسعى للقضاء عليه .. (لاحظ ان المسلم هنا يصبح أي مسلم وكل مسلم) فالتعميم آفة مصرية صميمة.

وان مكانش بنت وولد يبقى مسلم ومسيحي يبقى أهلاوي وزملكاوي يبقى قاهري واسمعلاوي .. يبقى من مصر الجديدة ولا المعادي .. أو من شارعنا او الشارع اللي ورانا ... إلخ ..

يمكن كمان لان بعض الناس شايفة ان معاداة الاخر نوع من الجهاد. يعني هو شايف انه بيخدم ربنا لم بيؤذي الاخر المختلف .. شايف انه عقاب ربنا لهذا الشخص الكافر .. ودي مصيبة في حد ذاتها .. ان الواحد ينصب نفسه إله يحاكم الاخرين وينفذ الاحكام ..
وده يرجع للتعليم .. والتربية
التربية اللي اعتمدت من زمان على الشكل والطقوس .. ونسيت العبادة وروح الدين .. بقينا بنمارس الطقوس بمنتهى الحرفية والدقة والالتزام .. ونختلف ونناقش ونبحث ادق واتفه التفاصيل الشكلية المتخلفة ..
ونسينا روح الدين وفايدته ايه في حياة الانسان ..

لما قريت الكلام اللي عند جرجس وعشتار ما استغربتش ابدا .. ده متوقع .. يمكن مش بالصورة المفزعة اللي اتعرض ليها ابونا (والد جرجس) .. لكن مفيش حد فينا ما اتعرضتش لموقف او لاخر من مدعي التدين والمتقربين إلى الله بالعنف .. بس اهم حاجة نبعد عن التعميم والتصنيفات ..

نتعامل على مستوى فردي .. وننظر للاخر الانسان مش للاخر الصفة

يووووووووه

الكلام مش هيخلص ..
قلبت علينا المواجع يا عم فارس

تحياتي يا عم وعيد سعيد

3:08 PM  
Blogger lastknight said...

ألى ألف
شرفتنى زيارتك.. فعلا المسأله أصبحت تنافس يستهدف تخيلات الناس .. فالأزعاج بالقرآن و أقامة الشعائر صار نوعا من الجهاد و التقرب ألى الله .. بالطريقه الوهابيه .. حيث يحشر الناص عنوه لأداء الصلاه حتى لوكانوا على غير وضؤ .. المسأله صارت نوع من تعميم النفاق ..و استثارة التخيلات .. و المشكله أن من بين المثقفين من يؤيد هذا التوجه .. ويمكنك مراجعة تعليق أختنا العراقيه أكرام على نفس الموضوع ..لتكتشف مدى انجراف بعضنا لمجرد تأجج المشاعر دون الحقائق
___________________________
العزيزه العراقيه أكرام
أختلف معك تماما ..لكنى نشرت تعليقك من باب احترام الرأى الآخر مادام لم يفرض عنوه .. أولا أقول أنى ضربت الرجل حين نعتنى بالكفر لمجرد أنى طلبت منه تمكينى من قراءة القرآن فى بيتى دون تشويش بميكروفون الأذاعه .. عفوا .. لا يمكن تدبر القرآن أو أى نص آخر حين يقرأ فى ضوضاء المسأله واضحه .. أقتحام بيتى بمظهر الشعائر دون معنى و مفهوم هذه الشعائر أمر مرفوض .. و تكريس لحالة الأستمناء العقادى التى تحدثت عنها .. و أن كان جيرانى المسيحين يضطروا لمجاملة جيرانهم المسلمين و الأستسلام لهذا الأقتحام دون شكوى من باب الحياء .. دعينى أذكرك بحديثرسول الله صلى الله عليه و سلم .. مأ أخذ برداء الحياء فهو حرام ..و تخيلى حالتك أذا كنت تعيشى فى بلد غير أسلاميه .. و قاطعت حياتك ضوضاء يوميه تصدر عن دار عباده غير مسلمه ..عزيزتى العراقيه .. انفكر أولا فى الآخر بمراعاه لشعوره .. ثم نفكر بواقعيه دون تخيلات .. هذا هو المطلوب .. و بتلك الطريقه تطور الغير .. و تخلفنا
______________________________
القهوه العاليه .. التى افتقد تعليقاتها كثيرا ..
نعم صديقتى .. تربيتنا .. مره أخرى منابع حضارتنا لا تسمح لنا بالتطور .. و أرجو أن تشاركنا عشتار فى ما أقول الآن ..الحاله العربيه ليست فتره مؤقته ..حالتنا هى خيبه قويه تماما ..متأصله فى مصادر حضارتنا البدويه .. لا فكاك منها ألا باعتماد مصادرحضاريه أخرى كما حدث أبان فترات التفوق و التطور القصيره فى مصر مثلا..حين كان النموذج الحضارى المتحرر اليبرالى هو المنهج و المصدر الرئيسى لفكرنا

8:53 PM  
Blogger شــهــروزة said...

وبعدين بقااااااا؟؟
الحكاية دى مبقاش ينسكت عليها
كل يوم والتانى حادثة ضحيتها صاحب ديانة تانية؟؟
هو اية اللى بيحصل فى البلد دى؟؟؟
بالمنظر دة مش يقا اسمه استمناء عقلى ولا عقائدى
دة يبقا عتة بالمعنى الحرفى تماما
حتى المغرقين فى جهالتهم مبيعملوش كدة
لاء

اسفة

اختلف معاكم فى تسميته اغراق فى الاستمناء



دة لازم نخترع له مصطلح تانى
مصطلح يحسسنا ببشاعة اللى بيحصل


احسن تبقا كارثة لو دة بقا سلوك معتاد وومنهج
حنعيش هنا ازاى بعدها؟؟؟

10:14 PM  
Blogger حــلم said...

زى ما تكون فتحت الفانوس وخرج المارد من القمقم
التعليقات عندك بنفس جودة عرضك للموضوع
كلنا بنعانى من نفس الاضطهاد مش بس أولادنا، لكن مش بايدينا، احنا فعلا واقعين فى فخ التعامل القمىء مع الآخر وتصنيفه أياً كان، وكذلك انعدام الوعى الدينى الصحيح، فيجاهد الكثيرون بتعلية الصوت واضطهاد غير المسلمين وكأن هذا دليل إيمان
والمأساة ان هناك من يعبث بهذا الجهل، ويشعل به من حين لآخر فتنة مخلّقة لمداراة أمور تشمل الهم العام، وتعنى كل مواطن بغض النظر عن دينه

أرى فقط أنك تهورت فى جدالك مع الإمام ، وقد حدث هذا من قبل لوالد صديقة لى فاتهمه الناس فى الحى كله بأنه رجل بلا دين، ونعتت كل الأسرة بهذه الصفة

نحن نحارب جهلنا قبل أى شىء

12:06 AM  
Blogger lastknight said...

شهروزه الجميله
الأبشع من الأستنماء .. أننا نتخيل أن الفاعل المغرق فى استنماؤه أساسا .. شاذ جنسيا و عقليا .. تخيلى طريقة استنماؤه هاتكون ازاى ؟؟ منتهى القرف و القبح و الوضاعه و النجاسه .. هو ده الجزء اللى مارضيتش أفتحه فى الموضوع .. و انتى تنبهتى له .. شكرا
_______________________
الحلم الجميل
فعلا .. كابوس بنعيشه من أكتر من ألف سنه .. من ساعة زحف ثقافة البدو على بلاد الحضارات العريقه زى مصر و الشام و العراق .. و للمره المليون بتوحيلى و بطريقه ضاغطه للكتابه عن الجزء التالت من نظرياتى المتواضعه .. و أسميه زحف النخيل .. ياللسيطره التى تمارسينها يا حلم على عقلى المسكين الذى لا يجد أمامه سوى اتباع حلمه الجميل .. و يجتهد و يكتب ..منك لله

12:49 AM  
Blogger كــــــازنــوفــا said...

طبعآ بعد التعليقات الجميله دى مش لاقيه كلام أقوله
فعلآ تعليق الغريب و بلوستون تدوينه لوحدها يا ريت تنشرها فى بوست عشان الناس تراجع أفكارها وتتعلم حب الغير
تخيل بلد مافيهاش عنصريه
ولا حتى تفرقه من أى نوع
الأديان تسامح بس الناس بتفسر غلط
أحتمال أكتب بوست عن رؤية كل طرف للآخر
ممكن تشيل الكمنت مدريشن دى عشان الناس تعلق براحتها لو سمحت
وبعدين من أختيار تعليقات ممكن تغير طريقة التعليق بدل ما البوكس تحت يبقا فوق كما هو متعارف عليه
أروح أنا أتسحر بقا

3:00 AM  
Blogger ekraammalik said...

السلام عليكم مرة اخرى

والد جرجس تم ضربه والاعتداء عليه من قبل مجموعة من الجهال .... ورجل الجامع هذا أنت ضربته .... مالفرق بين الضرب الاول والثاني؟
اليست هذه هي الفضوى؟
وأحب ايضا هنا مادمت تحترم الرأي الأخر وتنشره(واطمئن أنا لست من الذين يضربون أحدا حتى أوصل رأيي)أن أبدي عجبي من كل المدونين الذين يشجعوك على الضرب..... تعرف وهذه وجهة نظري أن رد فعل الرجل الذي ضربته أكثر تحضرا عندما اخذك للشرطة بدلا من يرد لك الضربات!!!

هذه وجهة نظري... أعرف أنها لاتروقك ويمكن تريد في داخلك أن تضربني بسببها بس ياريت نضرب بعضنا بعض حتى نقوم أنفسنا بدلا من ضرب الأخرين بدلا من ان نحمل لهم وجهات نظرنا بقبضات الايدي

وأعتذر فعلا لو كنت ازعجتك أو أغضبتك لأنني لا اريد ازعاجك أو اغضابك فعلا... وارجو ان تقبل اعتذاري بس أنا أفكر هكذا

7:33 AM  
Blogger lastknight said...

الحاجه أم جورج
شكرا للزياره و التعليق .. و فعلا الغريب و القهوه العاليه أعتدت مهنما غزارة التفكير و التحليل العميق فى تعليقاتهما
وياريت مدونتك يبقى فيها حاجه أعلق عليها أنا كمان
______________________________-
ألى ألعزيزه العراقيه أكرام مره أخى
ضربت الرجل لأنه نعتنى علنا بالكفر .. و بالمناسبه أنا من اصطحبته ألى قسم الشرطه و ليس العكس .. و شكواى كانت السب العلنى .. بينما جمهور المسجد فكان منهم العاقل المتعلم الذين حضروا معى للشهاده على سبه العلنى لى و نعتى بالكفر و هى جريمه يعاقب عليها القانون .. و جزء آخر من الجهال حضروا للشهاده ضدى لأنى ضربته باعتبار أنى فى رأيهم فعلا كافر .. و عقوبة جريمتى هى الحبس شهر بينما عقوبة السي العلنى فى الدين هى الحبس صلاص سنوات .. و لولا حكمة ضابط المباحث الذى أقنع كل الأطراف بتجاوز الأمر و عدم تصعيد الشكاوى للنيابه العامه لكان الحكم من المؤكد فى صالحى لأنى ضربته بعد أن استغل مكانته الرسميه كأمام مسجد و سبنى علنا .. و بالتالى فجريمتى كانت ستندرج تحت بند الدفاع عن النفس و الكرامه و الدين .. بينما جريمته الأصليه هى رمى ميلم بالكفر علنا .. شكرا لتعليقك .. و أتمنى أن أكون قد أوضحت وجهة نظرى

8:24 PM  
Blogger ekraammalik said...

السلام عليكم
سأكتب اليك للمرة الأخيرة
أنا فعلا مصدومة .... وأكاد لا أصدق...وأحس ان المدونات اصبحت مكان للدعاية الطائفية والحرب الدينية... هذا مافعلته انت وبدأت أشكك أيضا بقصة الحاج جرجس وصحتها.... وأرجو منكم جميعا أن تعيدوا النظر فيما تكتبون إذ إنكم هكذا لاتختلفون عن مبارككم كثيرا يايها المدونون

وهنا أقول الوداع لكم لامكان لي بينكم

اكرام

8:52 PM  
Blogger lastknight said...

ألى أكرام
وداعا

1:00 AM  
Blogger Reformer1976 said...

فارس الموضوع ابتدى يسخن بجد
وأنا شايف إن دا مهم ومفيد

تعالى عندي في البوست بتاع "أهذا هو إسلامكم... شكرا" وشوف التعليقات الأخيرة... الموضوع تدنى جدا لدى البعض من أول من كذب القصة ووصولا إلى من هاجم المسيحين الكفرة والاستشهاد بآيات مقتطعة وخارجة عن سياقها من الكتاب المقدس لإثبات أن المسيحية هي دين عنف
(وكأن هؤلاء الجهال بجهالتهم يقرون أن الإسلام دين عنف والمثل بالمثل وهو قمة الهطل الفكري أن يفكرون هكذا... وهم لو يدرون في ضلال مبين)
حتى وائل عباس بتاع الوعي المصري
حاول يلعب دور المحايد الموضوعي
وإن التطرف من الجانبين والكلام الخايب اللي زي كلام الريس بتاع
(الفساد موجود في كل الدنيا مش في مصر بس)
وعلى الرغم من أن وائل عباس أقر بأن الموضوع له علاقة بعقلية إسلاموية تعبر عن الثقافة الحرانية البدوية المستوردة
والتي تظهرمشاعر تعصب قومي لدين المفترض أنه جاء ليذيب القوميات فجعله البعض قومية وتنازلوا عن ما جاء به من أخلاق وتسامح

إلا أنه كان قد سطح الموضوع بشل لا يليق على الإطلاق بصاحب الوعي المصري وإلا لصح تسميته اللاوعي المصري
إذ حصر المشكلة في أنه يعتقد أن الفعلة من شباب البانجو والنواصي الذين لم يجدوا شيئا يكفرون به عن معاصيهم إلا ما توهموا أن فيه مرضاة لله من إيذاء من وصى عليهم الله ورسوله
فهم لا شاغل لهم طوال اليوم الا معاكسة الفتيات والسخرية من عاجز أو معاق

وفي نهاية تعليقه أكد الشيخ وائل عباس إقراره منهجية التكفير المبرر
عندما اتهمني - ضمنا - بأنني كافر إذ أعتقد - من قراءته هو للبوست وعنوانه - أنني أقول أن هذه هو الإسلام
فيقول السيد وائل
ومن يقول أن هذا هو الإسلام أتحمل وزر تكفيره أمام الله
(آدي الوعي المصري يا شباب)
محرر الوعي المصري يقر مبدأ التكفير !!!
من فينا وهابي ومن ليس هكذا؟
بيننا من يهاجمون الوهابية ويسلخون فروتها ليل نهار غير عالمين أنها في جيناتهم وتسبح في دمهم إلى جوار الكرات الحمراء والخلايا البيضاء

تعالوا يا شباب ولنواصل الحديث والرد هنا وهناك

(مش الهدف صدقني يا فارس إني آخد الزباين من عندك بس الموضوع يستاهل فعلا طرحه ومناقشته أكتر وأكتر عندي وعندك وعند عشتار)
يعني مش الموضوع دا أهم من حملة كلنا ليلى؟
(باهزر يا بنات المواضيع كلها مهمة)
ما تيجوا نعمل الموضوع دا حملة ونسميها كلنا جرجس

(كنت أتمنى نعمل حملة نسميها كلنا عمر قناوي بس خفت فخامته يعدمنا بتهمة إهانة الرئيس)

5:23 AM  
Blogger يا مصر اكتب إليكي رسائلي said...

يشرفني ان اتقدم بخالص التهاني وأطيب التمنيات القلبية بمناسبة عيد الفطر المبارك اعادة الله علينا وعليكم وعلى مصرنا الحبيبة بكل خير .. مع خالص تحياتي وكل عام وانتم والأسرة الكريمة في أسعد حال

10:00 AM  
Blogger lastknight said...

والله ياجرجس فكرة حملة كلنا جرجس دى مش وحشه .. بس أنت متخيل وجع الدماغ اللى هاييجى منها ؟؟ عموما أنا موافق .. و تعالى قابلنا و نفكر كلنا و نبتديها من بعد العيد بأمر الله .. و نحاول نقيس ردود فعل الشارع من ساعة مانبتدى لحد يوم 7 يناير ... اللى هو عيد ميلادى بالمناسبه ..
فكره كويسه .. و انا موافق .. و فكر و نشوف نبتدى ازاى
_____________________
ألى يامصر أكتب أليكى رسايل
و أنتم بألف خير و صحه و سلامه

10:46 PM  
Blogger Aoossa said...

أكرام العراقيه
فى الوقت الذى تنعتى فيه المصريين بأنهم محدثى طائفيه
يقتل عشرات يوميآ فى العراق بأسم الدين كما لو كانت مذبحه بشريه
فى بلدكم ماتت كل معانى الأنسانيه و ضاع الوطن الذى يحتوى الجميع رغم أختلافهم
فى مصر اللى مش عجباكى
ضرب كاهن أو قسيس
أو قتل فرد واحد
معناه مظاهرات و رفض من كلا الجانبين فى النهايه لأى تأمر ضد مصريتنا
أن سفك دماء مسلم أو مسيحى
لهو شعور مرعب و مهين لكل المصريين
الحوادث الفرديه التى تقلقنا فى حياتنا
هى بالنسبه لكم أحداث يوميه عاديه
أليوم كان مؤتمر التصالح فى مكه
لوقف سفك الدماء فى العراق وتحريمه
كما لو كنتوا فى حاجه للسعوديه
لتعلمكم الحب والتوحد
نحن هنا نكشف فى المدونات جراحنا لتلتئم
و فى النهايه هى مجرد جراح سطحيه
سرعان ما تطيب من أثر كلمه صادقه
أو لمسه حنونه أنه صدق المصريين أذا ما تعلق الأمر بوطنيتهم
ولا مزايده على تقبلنا لبعضنا البعض
فنحن نقاوم الفكر الوهابى أو بدأنا
بينما اليوم تعانقتم مع الوهابين فى مؤتمر مكه
السعوديه التى تمول التطرف والعنف ضد الشيعه
لقد صدمتك المدونات أذن أفتحى
القنوات الفضائيه العراقيه و أحسبى كم عدد قتلى الفتنه الطائفيه فى الشهرين المنصرمين فى عراقكم
مئات كما لو كانت حرب بين دولتين
أدعو الله أن يهديكم ويبصركم الحق من الباطل

1:31 AM  
Blogger layal said...

معاك في اللي قلته
فقرأه القرأن بتدبره هي المطلوبه
وليس رفع صوت المذياع
وكل عام وانتم بخير

3:09 PM  
Blogger Reformer1976 said...

دخلت وشوفت القرف اللي الدنيا وضلت له في البوست بتاع "أهذا هو إسلامكم؟" تعال وعلق هناك لأن أنا ما ليش نفس أعلق هناك خالص
الجو مقرف جدا

12:57 AM  
Blogger lastknight said...

ألأميره أوسه
شكرا .. جذيلا .. يابنت بلدى يا أصيله
________________________
ألى ليال
شكرا و كل عام و انت بكل خير
_________________________
أخويا جرجس
هازورك حالا .. بس على فكره موبايلى ضاع النهارده .. و رجعت النمره بس كل النمر اللى عندى ضاعت .. كلمنى من فضلك

1:13 AM  
Anonymous Anonymous said...

هاي اصل القاهرة اول ايام عيد الفطر ان شاء الله
يا ريت تكونوا منضفين الشقة و كلة في السليم
و ياريت تربت لقائات مع مجموعة مصر الجديدة و واحدة النادي اليوناني
عاوز حاجة ابهالك معايا انا سمعت ان تليفونك ضاع عاوز النمر من تاني
ما تنساش ترتب الي قلتلك علية
ياسر عوف

3:05 PM  
Blogger lastknight said...

أخويا و حبيبى ياسر
تشرف فى أى وقت .. و البيت بيتك فى أى وقت .. مجموعة مصر الجديده مش عارف ألاقيهم فين دلوقتى .. اليونانى موجود و فى أى وقت ... المهم تعالى و خلاس .. أسامه ابن عمى كمان قاعد معايا دلوقتى

9:50 PM  
Blogger sherry bahi said...

mawdou3ak ra2e3 we 7assas fe nafs elwa2t,,, kalamak kolo salim we awel mabadde2 el3aqiddah we el2iman ayan kanet takmon fe elra7ma we elsalam ma3 elnafs ,,,laken 2e3terradi elwa7id fe mawdou3ak 3ala kelmet "el7oqarra2" ,,2e7na (ana we enta we kol mo2ayeddin afkarak we mabad2ak el2enssaneyah)benanttaqed el2ehanah we 3adam elra7ma fe el7okm 3ala el2akhar yeb2a awel khatwa bas enena nanttaqi mossamayatna 3alachan nekoun messal lekol man zana 2en fe elta3assob 2eltezzam ,,, laken fima 7ada 7ettet el7oqarra2 di enta we mawdou3ak meya meya ,,, sherry bahi

5:00 AM  
Blogger lastknight said...

شيرى باهى صديقتى الصدوق
عندك حق .. فعلا عندك حق .. و علمتينى درس جديد .. أتمنى كل الناس تستفيد منه
ماتحرمينيش من تعليقاتك

5:08 AM  

Post a Comment

Links to this post:

Create a Link

<< Home