فارس قديم

احلام و أوهام و أمنيات .. أليست كل المبادىء كذلك ..؟ حتى أخلاقيات الفرسان

Name:
Location: cairo, Egypt

قد أكون أكبر المدونين سنا ..ما أكتبه هنا بدأته منذ سنوات فى دفاترى .. كتبت لنفسى .. و لأولادى حين يستطيعوا استيعاب ماكتبت .. رأيت أن لامانع من نشر بعض مافى الدفاتر .. فى حريه تااااامه

Wednesday, September 28, 2011

لنفترض أن

سبق لى أن افترضت هنا شكلا لصراع فى القمه المصريه .. و أظن افتراضاتى تحققت .. ثم افترضت هنا شكلا للصراع بين القمه و الأرض المصريين و أظن افتراضى فى طريقه للتحقق .. لا مانع الآن من أن افترض المزيد من الأشكال التى لا تعنى أطلاقا أنى على صواب ولا تحمل فى طياتها أى وقائع سوى ما ذكرته وسائل العلام العلنيه .. و باقى البناء الفتراضى هو من نتاج عقلى المريض ..الأفتراضات لا تعنى ألا أنها .. افتراضات .. بل قد تعنى فى النهايه حتمية خضوعى لعلاج نفسانى مكثف .. لكن .. تلك مدونتى و انا حر فيها .. فلأفترض كما اشاء .. و افعل ما يحلو لى .. و على المبتلين بقرائة كتاباتى ثقيلة الدم اللجوء لمدونات اخرى تحمل كلاما أهم و اعقل مما اكتبه .. فأنا فى ألأساس أكتب لنفسى

لنفترض .. أن
مشهد أول
يوم الجمعه 30 سبتمبر . مظاهرات عارمه تجتاح البلاد .. السلفيون يخرجون من المساجد بعد الصلاه بالملايين ( كما حدث فى جمعة قندهار ) ليلتحقو بأخوانهم الذين باتو الليله فى ميدان التحرير و نصبو المنصات و رفعو الرايات .. مطالب متعدده تحذر من حرب ضروس فى حالة استمرار قانون الطوارىء .. و حرب أهليه فى حالة اصدار وثيقه فوق دستوريه تحدد الشكل المدنى للدوله و تمنع المرجعيه الدينيه فى الحكم .. مطالبه صريحه بتحكيم شرع الله بكتابه و سنة رسوله فى البلد ذات الأغلبيه المسلمه .. مطالبه بألغاء المحاكمات العسكريه للمدنيين مع حتمية الأفراج عن الشيخ ابو يحيى ( المحبوس فى قضية كنيسة امبابه ) و المطالبه باسترداد الشيخ عمر عبد الرحمن ( المحبوس فى الولايات المتحده ) . و فى نهاية الأمر المطالبه الصريحه الواضحه بأنها حكم العسكر و اقصاء المجلس العسكرى عن سدة الحكم و أدارة البلاد .. و .. يسقط يسقط حكم العسكر

مشهد ثانى فى نفس اليوم الجمعه 30 سبتمبر
القوى المدنيه الغير منتميه لتيارات دينيه ايضا تتحرك من الصباح الباكر فى اتجاه التحرير .. ليبراليون , يسار بكل أجياله .. ناصريون .. و ثله من أحزاب و ائتلافات لا حصر لها ولا عدد تاسست بعد الثوره .. ينضم لهم عمال هيئة النقل العام و مدرسون مضربون عن العمل منذ أسبوع .. التحق بهم أطباء و ايضا بعض أمناء الشرطه المطالبين بتحسين أجورهم و احوالهم المعيشيه .. اقباط يشعرون بالأضطهاد .. و اقباط آخرون يطالبون بأطلاق سراح تاسونى ( المحبوسه بحكم محكمه فى قضية تجارة الطفال ) و مايكل نبيل سند ( المدان بأهانة القوات المسلحه و التخابر مع اسرائيل ) و لا مانع من بعض المطالبين بالحمايه الأمريكيه للأقباط المصريين... يلتحقو بأخوانهم الذين باتو الليله فى ميدان التحرير و نصبو المنصات و رفعو الرايات ..مطالب تحذر من عصيان مدنى اذا لم تتم الأنتخابات بالقائمه النسبيه كلها.. و حرب أهليه اذا لم تعلن الهويه المدنيه للدوله القادمه .. و ألغاء المحاكمات العسكريه للمدينين .. و ألغاء حالة الطوارىء .. و فى نهاية الأمر .. المطالبه الصريحه الواضحه بأنهاء حكم العسكر و اقصاء المجلس العسكرى عن سدة الحكم و أدارة البلاد .. و يسقط يسقط حكم العسكر


مشهد ثالث
فى نفس اليوم الجمعه 30سبتمبر
قرب العصر .. تتزايد المشاحنات فى الميدان .. ليبرالى ينهر سلفى : نزل علم السعوديه اللى انت رافعه ده .. مافيش علم يترفع غير علم مصر .. و سلفى على جانب آخر ينهر يساريه تدخن السجائر .. السجاير حرام شرعا .. و أساسا لبسك ده ماينفعش تختلطى مع الرجاله و انتى لابساه .. روحى اقفى مع أخواتك فى الآخر ... أخوانى ينهر ناصرى يرفع صورة عبد الناصر .. يا أخى أحنا بنقول يسقط حكم العسكر و انت جايبلى صورة اللى جابلنا حكم العسكر من اساسه ؟ .. يسارى ينهر ليبرالى .. أن بتشرب مارلبورو و تولع بولاعه ذهب و احنا جايين نتكلم عن حقوق العمال و مطالبهم و حياتهم اللى زى الزفت ؟
سويعات قليله و بالوعى الجمعى و بتدخل رؤوس المتظاهرين .. و مع كثافة التواجد الأعلامى للمحطات الأجنبيه و المحطات المملوكه لرجال اعمال مصريين .. تهدأ المشاحنات .. و يتوحد الهتاف التلقائى
يسقط يسقط حكم العسكر

مشهد رابع فى نفس اليوم .. الجمعه 30 سبتمبر
غرفة عمليات القوات المسلحه .. قيادة الأركان ..المجلس الأعلى للقوات المسلحه مجتمعا بكامله .. تليفزيونات مفتوحه على قنوات محليه و عالميه تتابع أخبار المظاهرات .. شاشات اخرى تابعه للمخابرات العسكريه تبث على الهواء تفاصيل الحدث .. سكرتاريه من الخبراء و المترجمين و المساعدين تعمل كخلية النحل و تسجل تقارير تطبع على عجل و توضع أمام أعضاء المجلس الأعلى كل ربع ساعه , تشمل تقييم ضباط اتصال فى الموقع , و ايضا ترجمه لردود الفعل العالميه للحدث .. تتسارع التقارير المختلفه ثم تتشابه كلها فجأه لتحمل جمله واحده .. الثوار ( كما تسميهم قنوات التليفزيون ) أو المتظاهرون ( كما تسميهم التقارير الأمنيه ) يهتفون بهتاف واحد ,.,يسقط يسقط حكم العسكر

كآبه باديه على وجوه الجميع .. غضب مكتوم .. ثوره على وشك الأنفجار .. الكل يتجنب النظر فى عيون المشير القائد الأعلى للمجلس ..الفريق عنان يقلب الوراق أمامه بعصبيه شديده .. اللواء الفنجرى أيضا .. اللواء بدين يتصل كل خمس دقائق بمواقع الشرطه العسكريه يؤمن على حماية المنشآت العسكريه .. ثم فجأه .. اشاره تليفونيه عاجله لسيدة المشير يأتى بها صول قديم رافق المشير اغلب حياته العسكريه .. تليفون يا فندم
مين ؟
قائد الجيش التانى يا فندم
المشير بسأم يشيح بيده قليلا كأنه يهم برفض تلقى المكالمه
الصول القديم الخبير يسارع بقول : بيتكلم من اركان حرب الجيش يا فندم ( غرفة عمليات الجيش الثانى بالاسماعيليه ) .. ز
يمسك المشير بالسماعه و يستمع
يا فندم أنا باشتكى دلوقتى حالا من اللواء مراد مدير المخابرات .. دلوقتى اسرائيل بقالها أكتر من اسبوع حاشده قواتها على حدودنا و من تلات ايام بدأت مناوره موسعه جدا .. رجالتى فى سينا بقالهم أكتر من تلات اسابيع و فيهم اللى بقاله 45 يوم ما نزلش أجازات .. طلبت استبدلهم حسب جدول الأجازات المقرر .. ينزلو بيوتهم و يجيلى رجاله تانيين يبدلو مواقعهم .. سيادة اللوا مراد رفض التبديل .. الضباط اللى فى التشكيلات على المواجهه بدأت روحهم المعنويه تنخفض جدا لأنهم حاسين بظلم كبير عليهم ... انا مش فاهم هو بيعمل كده ليه ؟
المشير يسأل يبدهشه و انزعاج شديد .. هو فعلا اللوا مراد عمل كده ؟ منع استبدال الرجاله اللى فى المواجهه ؟
ايوه يا فندم و سعادتك اساله بنفسك .. انا مش فاهم بيعمل معايا كده ليه ؟
استنى معايا .. ينطقها المشير بحزم و انزعاج .. و بتعليمات قصيره للصول و الفنيين .. يتم اخفاء اصوات كافة التليفزيونات , و يوضع الهاتف على وضع الميكروفون ليستمع كل أعضاء المجلس للمكالمه الثلاثيه بين المشير .. و قائد الجيش الثانى و .. رئيس المخابرات ..
المشير يقول لرئيس المخابرات .. سيادة اللوا ( العسكريون يتحدوثون مع بعضهم بالرتب حتى فى حياتهم العاديه ) سيادتك ليه رفضت أنه يتم استبدال تشكيلات الجيش التانى بتشكيلات تانيه تيجى من الأجازات ؟ .. الناس بقالها أكتر من عشرين يوم فى حالة طوارىء و لازم ينزلو اجازاتهم و ييجى غيرهم .. التشكيلات روحهم المعنويه منخفضه جدا للسبب ده .. فيه ايه ؟
ــ
اللواء مراد يرد بصوت عميق .. و صارم : بافندم التشكيلات اللى فى المواجهه روحهم المعنويه حاليا اعلى بكتير من الظباط اللى كانو فى الأجازه .. انا منعت الظباط اللى فى الأجازات ينزلو المواجهه لأن روحهم المعنويه فى حاله اسوأ بكتير من زمايلهم اللى فى التشكيلات ..
ــ
يتدخل قائد الجيش الثانى : نعم ؟ سيادتك بتقول ايه يا فندم ؟ اللى فى اجازه تعبان و اللى فى التشكيلات مش تعبان ؟ ايه الكلام الغريب ده ؟
ــ
اللواء مراد يرد بذات العمق و الهدوء : يا فندم انا باقول الحقيقه و تقارير الروح المعنويه بتأكد كلامى .. أنا سيادتك مش باهزر ولا بألف كلام .. دى تقاريرنا العلميه اللى حضراتكم عارفين دقتها كلكم ( اللواء مراد يستنتج برؤيته ان المكالمه مسموعه من المجلس كله ) أنا مش باعمل حاجه بالمزاج ولا باخرج عن واجبى و صلاحياتى
ــ
قائد الجيش الثانى ؟ يا فندم انا فعلا مش قادر افهم اللى سعادتك بتقوله .. ( ترتفع نبرة صوته قليلا ) باقولك حالة رجالتى اللى فى المواجهه و معنوايتهم انخفضت و حاسين بالظلم .. و سعادتك تقولى اللى فى بيوتهم تعبانين اكتر و معنوايتهم منخفضه اكتر ؟ طب تيجى ازاى دى ؟ فهمهانى يا سيادة اللواء ؟
ــ
اللواء مراد يسكت لثانيتين كافيتين لشد انتباه الجميع و ايضا خفض وتيرة الحوار الأنفعالى .. الكل ينصت باهتمام شديد .. يتكلم اللواء مراد و يقول : با فندم التشكيلات فى المواجهه لا بتشوف تليفزيون ولا ليهم اتصال بكومبيوتر ولا شبكة معلومات .. بينما اللى فى أجازاتهم او فى مواقع بره المواجهه بيشوفو التليفزيون و بيفتحو النت .. ( يصمت لوهله .. ثم يكمل ) حضراتكم شايفين اللى بيتذاع فى التليفزيون من ساعة شهادة سيادة المشير .. و أكيد بتجيلكم تقارير الفنيين عن اللى بيتقال على النت .. و الصور اللى اتنشرت و النكت اللى اتقالت و الكلام كله اكيد عندكم علم بيه
يصمت مره اخرى لثوانى كافيه ليبدو اللم الشديد على وجوه كل الحاضرين .. ثم يكمل كلامه .. يا حضرات الظباط اللى بيشوفو التليفزيون و يفتحو النت كلهم حالتهم المعنويه بقت صفر .. قائدهم ألأعلى و كل قادتهم فى مجلسكم بيواجهو كراهيه شديده من الأعلام ومن الشباب اللى على النت سواء أسلاميين او علمانيين .. الكل بيحملنا مسؤلية كل حاجه حصلت فى التلاتين سنه اللى فاتت .. و كمان بيحملونا مسؤلية عجز الحكومه .. و ضعف المرتبات و الغلا .. وصلت لحد اتهامنا جميعا بالفساد و حتى كلمة الخيانه اترددت اكتر من مره ضد الجيش
_
اللواء شاهين يهم برد : ما انت عارف سيادتك انهم بيكدبو و كل اللى بيتقال غلط و اشاعات ..أنت بنفسك رصدت اتصالات بين ناس منهم و جهات اجنبيه .. و بعدين أنت بتقو ..
ــ
يقاطعه اللواء مراد : يا فندم أنا عارف .. و فاهم كويس جدا .. لكن الحشد من كل الجهات و الترويج ألأعلامى خلو الناس تهتف وراهم يسقط حكم العسكر .. ده الوضع الحالى و أنا بارصد الحقيقه على ألأرض مش باتكلم عن ايه الصح و ايه الغلط .. الوضع دلوقتى على الأرض أن المشاعر ضدنا بشده .. و العالم كله بدأت تقاريره تبقى ضدنا .. و رئيسنا و قادتنا بقى بيطلع عليهم نكت و تتنشر لهم صور مهينه معموله على الكومبيوتر .. يا حضرات كرامة القوات المسلحه اتعرضت لأهانه بالغه .. الظباط بقو يشوفو قائدهم الأعلى بيتشتم على النت و فى الفضائيات و دلوقتى فى الشارع بيهتفو ضده و ضدكم
يلتقط اللواء مراد انفاسه و يكمل .. دلوقتى حالا الظباط حاسين بغضب شديد و ارتباك .. طبعا اللى ليهم اطلاع على التليفزيون و النت .. يعنى اللى فى اجازات .. ناس منهم بتقول هو المشير مش بيضرب العيال دى بالرصاص ليه لو كانو خونه ؟ .. ناس تانيين بدؤا يقولو ما دام المشير ما اداش اوامر بالضرب يبقى عينه مكسوره .. لا مؤاخذه أنا آسف فى التعبير بس انا شغلتى انقل الحقيقه من على الأرض .. أنا شغلتى مش أنى اجامل حد .. اللى بيحصل دلوقتى أن الأسلاميين و العلمانيين اتوحدو على هتاف واحد بيقول .. يسقط حكم العسكر .. حالة ظباطنا اللى فى الأجازات زى الزفت معنويا .. ترحيلهم للمواجهه دلوقتى يبقى مخاطره بيهم اولا .. ومخاطره بتماسك خط المواجهه مع اسرائيل ثانيا ..
انا نقلت لكم الوضع زى ما شفته و باعمل شغلى بما يرضى الله زيكم بالظبط .. لو حضراتكم تقديركم مختلف .. أنتو قيادة العمليات تقدرو تلغو تعليماتنى و تنفذو اللى تشوفوه
ــ
حالة وجوم شديد تجتاح غرفة عمليات قيادة الجيش المصرى .. اسى و ألم باد على الوجوه .. حتى قائد الجيش الثانى المنفعل يصمت .. لكن المه ينتقل الى الموجودين جميعا .. تعبيرات الوجوه كلها تعكس ا احساس بالنكران شديد .. شعور بأنهم تعرضو لخيانه بالغه ..لحظات و ينطق قائد الجيش الثانى .. أنا هاحاول اصمد بالرجاله اللى معايا .. أنا هاتحرك دلوقتى للمواجهه .. هافضل وسط رجالتى هناك .. و لو سمحتو يا حضرات .. أدارة الشؤون المعنويه تبعتلى متخصصين بسرعه .. الوضع يقلق على الحدود .. و المناورات السرائيليه بتطور بسرعه
ــ
يرد اللواء مراد : و أنا من هنا هاحاول اوصل للمجموعات اللى ما اتأثرتش بالأعلام و الهتافات لو فيه .. و أبلغك بنوعيتهم فورا و سعادتك تسكنهم فى المواجه بمعرفتك
شكرا سيادة اللواء .. يرد قائد الجش الثانى بصوت متألم لكنه حاسم و ينهى المكالمه
ــ
صمت بالغ يجتاح غرفة العمليات .. المشير بوجهه ألأسمر ينظر أمامه على آخر بيان يحمل نص الهتاف .. يسقط يسقط حكم العسكر .. القاده يتهامسون .. احدهم يقول بابتسامة الم .. يعنى لو كنا سبناهم و قلنا مالناش دعوه بالسياسه احنا عسكريين و بس كان يبقى احسن لنا ؟
آخر يرد .. مش عارف اقول ايه .. بس كان واجبنا ننزل .. لو ما كناش عملنا كده كانت هاتبقى مدبحه .. و انت عارف كويس كانت هاتبقى لصالح مين مدبحه زى دى ؟ عقوبات دوليه و حمايه للمجرى الملاحى .. و نصحى نلاقى مدمرات أمريكيه بتسيطر مبدئيا على مدن القناه و تفصل سينا عن مصر بمنتهى السهوله .. و لو اتحركنا ساعتها للاشتباك كنا هانبقى بنتحرك بضهر مكشوف لأن جبهتنا الداخليه هاتبقى منهاره
يرفع اللواء الفنجرى صوته قائلا : يعنى و هى دلوقتى جبهتنا الداخليه مش منهاره ؟ .. أحنا لو اشتبكنا دلوقتى مع اسرائيل هانبقى بننضرب من بره و من جوه .. سعادتك مش شايف الناس بتهتف بايه ؟ .. كلهم بلا استثناء .. اسلاميين و علمانيين .. بيهتفو .. يسقط حكم العسكر .. و كمان مراد بيقول حالة ظباطنا المعنويه منخفضه .. طبعا .. حاسين باهانه و شاعرين أن الشعب خانهم و رفضهم بعد اللى عملوه

المشير يرفع وجهه الأسمر المصرى جدا و ينظر لهم بشبح ابتسامهمه يمزقها الألم .. و الشعور بالنكران ..و المهانه .. ثم يقول للصول خلفه استدعى اللواء مراد حالا ..
دقائق و يلتحق بالمجلس رئيس المخابرات العامه و هو نفسه قائد المخابرات العسكريه ..

ينظر المشير لرفاقه و شبح ابتسامة الألم على وجهه .. ملامحه تحمل شجاعة من مارس المواجهات طول حياته و تمرس عليها .. لكنها الآن تعكس ألم بالغ ..روحه بداخله تكابد مشقة الشعور البشع بالخذلان ..و يتحدث
ــ
احنا اقسمنا يوم ما دخلنا الحربيه بأن نحافظ على وحدة الوطن و سلامة اراضيه .. و ألا نترك سلاحنا ابدا حتى نذوق الموت .. او نهلك دونه
يوم ما حسينا أن مبارك ممكن يطلب مننا نضرب فى الشعب و نفض المظاهرات بالقوه .. قررنا قبل ما يطلب مننا اننا نعلن امتناعنا عن تغيير عقيدتنا العسكريه و نلتزم بحماية الشعب .. و قررنا أننا مستحيل نضرب اهلنا ابدا .. و بعتناله قرارنا مع عمر سليمان حتى من قبل ما يطلب مننا .. و فعلا قدرنا نغير الموقف تماما لصالح الشعب حتى الحرس الجمهورى بعد ما شافو موقفنا بلغو زكريا عزمى أنه لو جاتلهم تعليمات ينزلو ضد الشعب ممكن تحصل حالات عصيان بين الظباط

و قبلها يوم ما بعتنا مع عمر سليمان برضه موقفنا من التوريث من سنة 2005 .. كان قرارنا لحماية حق الشعب .. كنا نقدر يومها نغير كل حاجه بقوتنا .. كنا نقدر نحاصر الحرس الجمهورى و نضغط .. لكن قلنا يومها أنه هايبقى انقلاب عسكرى و قدرنا أن غباؤه و غباء ابنه ممكن يحرك الأمن المركزى ضدنا و ساعتها تبقى مواجهه بالسلاح بين الجيش و الشرطه و تبقى مصر غرقت فى حرب اهليه .. عارفين اننا هاننتصر طبعا فى آخرها لكن الضحايا كان مستحيل تقدير عددهم .. و كان هايبقى كله دم مصرى اريق و احنا طرف فيه .. و رفضنا نبادر بالحركه انتظارا لتحرك الشعب .. و قلنا ساعتها زى ما قلنا ايام مظاهرات نادى القضاه .. لو الشعب اسمر فى الشارع ليله واحده .. هاننزل الليله اللى بعدها و هايبقى ساعتها الوضع ثوره مش انقلاب .. و استغل الموقف المعرص اللى اسمه صفوت الشريف و بعت تقرير لأمريكا يقولهم الجيش موافق على التوريث .. لكن ما اهتميناش بوساخته .. احنا برينا بقسمنا و اتصرفنا باللى يرضى ضميرنا و خلاص

و فاكرين طبعا لما الدكتور فاروق العقده محافظ البنك المركزى استنجد بينا و بلغنا نية الواد الوسخ انه يبيع بنوك القطاع العام و يرهن مصر كلها لجناب و بعدها ممكن يرهن حتى اسهم شركة قناة السويس .. فاكرين طبعا يومها اجتمعنا و قررنا سوا أنى أحضر اجتماع مجلس الوزرا و ألغى البيعه من اساسها و لو بالتهديد بالقوه .. و الحمد لله ربنا كرمنا و نجحنا نوقف المصيبه

يتنهد بألم و يكمل .. حتى لما عرفنا ان فيه تنظيمات عملتها سوزان و اللى معاها بتلم شباب و تعملهم جمعيات اهليه وأمن الدوله بيسمح بتمويلهم من بره و عرفنا أن الفكره عملتها سوزان عشان تصالح بيها جمال و تلمله عيال بدل التنظيم الخايب بتاع شباب المستقبل .. و استعملت أمن الدوله عشان يسفرهم و يوصلهم الفلوس اللى جايالهم من بره بشكل قانونى حسب قانون الدمعيات الأهليه بتاعها .. رفضنا نتدخل عشان مايبقاش انقلاب عسكرى .. و فضلنا ساعتها نعمل تنظيم موازى يواجه العيال دى فى الشارع عشان مايبقوش اغلبيه .. و اخترقنا الألتراس بتوع النوادى و زرعنا ولادنا فيهم عشان ساعة الحركه الشعبيه .. العيال بتوع امريكا مايبقوش هم بس اللى فى الصوره .. حتى شباب الخوان .. اقنعناهم يمشو مع البرادعى يلمو توقيعات الناس على بيان التغيير .. و لما امن الدوله رصد اتصالنا بالبرادعى و شباب الخوان فرض حصار على البرادعى فى بيته .. و هو ما طلعش شجاع زى ماتخيلنا و فضل يسافر بره اغلب الوقت عشان لما تحصل الحركه مايبقاش فى خطر

نسقنا مع اللى قدرنا ننسق معاه و رصدنا اللى قدرنا نشوفه .. و عرفنا أن جمال كان هايعمل انقلاب على ابوه الأول .. و بعدين العادلى هايعمل انقلاب على جمال زى ما انتو عارفين .. يبستم أعضاء المجلس بالم و صمت ..و يكمل المشير ..
و حصلت الحركه فعلا .. وولادنا كانو فى وسط الأحداث .. راهننا أن الشباب هاتقدر تصمد و فعلا صمدو .. التراس و شباب اخوان و ناس من الشعب العادى استجابت بصوره أكبر مما نتوقع .. و زى ما توقعنا .. كل العيال بتوع سوزان و امريكا كانو مستخبيين فى مقر أمن الدوله عشان يبقو بعيد عن الخطر .. الوليه اللئيمه كانت بتعمل حسابها لو الحركه فشلت تستعمل العيال المتمرنين بره فى حاجات تانيه لكن ربنا خيب ظنها و فعلا نجحت الحركه و اصبح نزولنا شرعى تماما و مبرر للعالم كله .. و مستحيل حد يقول عليه انقلاب .. و طبعا حركة الخيابه بتاعة العادلى بسحب الشرطه من الشارع منعت تماما شبح الحرب الأهليه اللى كنا خايفين منه على مصر .. و نزلنا الشارع .. طبعا عارف أن العادلى مش سهل .. ووسخ جدا زى اللى كانو مشغلينه .. و كان اصلا بيرتب لحساب نفسه ... لكن ما كناش نتخيل ابدا أن يوصل بيه الفجر لأنه يطلق علينا و على الشعب المساجين الجنائيين و يسلمهم مخازن السلاح بتاعة الشرطه عشان يورطنا فى حرب اهليه فعلا .. لكن ربنا قدرنا و شعبنا الجميل الرائع قدر يوقف خطر المجرمين باللجان الشعبيه بشكل رائع ما كناش متوقعينه .. لكن حصل
طبعا ساعتها أمن الدوله خرج العيال بتوع امريكا و سوزان المتمرنين بره .. و على ايد حسام بدراوى .. و الأعلام اياه اشتغل على تلميعهم بسرعه و نشاط شديد .. لدرجة ان الناس كلها نسيت أن التمنتاشر يوم كلهم .. ما كانش ولا عيل من دول فى الشارع .. لكن كانو فى حماية أمن الدوله لحد ما حسام بدراوى طلعهم .. شعبنا طيب قوى على فكره ..

يكمل المشير .. ساعتها قلنا و ماله .. احنا مش طمعانين فى سلطه .. و عاوزين نسلم البلد لمدنين منتخبين و يتكتب اسمنا فى التاريخ أننا وقفنا مع شعبنا و على ايدنا مصر بقت على اول الطريق عشان تبقى دوله عظمى زى ما كلنا ما بنحلم .. و قلنا نسيب لولادنا بلد حره .. يعنى نمتنع تماما عن السيطره و الشعب يختار قياداته بحريته .. و بدأنا نخطط و نشتغل لكده .. لكن طبعا أنتو عارفين اللى نبنهتنا ليه أجهزة الأمن من أن الخطه بتاعة العيال بتوع سوزان .. اللى بيقبضو معونات من امريكا كانت ايه .. و لما الوزيره فايزه ابو النجا نبهتنا بخبرتها أنهم بيجيلهم فلوس من بره فى شنط و زكايب لما كانت البنوك مقفوله و حتى بعد ما فتحت عشان يهربو من رقابة العقده .. ساعتها قررنا نضيق عليهم شويه و ننبههم لأنهم مضحوك عليهم .. هم فعلا عيال صغيرين .. و فى ظروف الفقر الدولار سره باتع .. و اجتمعنا معاهم و كلمناهم .. حاولنا .. لكن واضح أن خبرتنا فى الحياه المدنيه صفر .. احنا يادوبك نكلم عساكر و ظباط بس .. ( تتسع الأبتسامه المتألمه .. و يرد باقى أعضاء المجلس بابتسامات متسعه أيضا .. و أيضا متألمه ) .. لكن قلنا شويه و يعقلو .. و الناس مش هاتسمحلهم يتغابو اكتر من كده .. مؤامرة سوزان باظت و أكيد هاتستسلم .. حجزنا مبارك فى شرم الشيخ .. و لما عياله سافرو بعتنا وراهم قلنالهم اللى خلص على الحواسيس يقدر يخلص عليكم .. ترجعو بالتى هى أحسن بدل ما نضطر للعنف .. و فعلا رجعو .. و أتحجزو .. ووصلنا بيهم لحد قفص الأتهام قدام المحكمه و الحمد لله

طبعا فاكرين كويس لما بينا للعيال بتوع أمريكا أننا مش هانستجيب لطبات السفيره الأمريكيه و مش هانكرر سيناريو العراق و مش هانقبل عيل منهم يتحكم فى بلد كبيره فيها حكماء مخلصين .. و لتانى مره نطلع ساذجين فى الحياه المدنيه و المؤامرات .. أحنا عسكرين مانعرفش نواجه غير فى العلن .. و التنظيم الوسخ كان مخترق كل حاجه .. كان عنده قايمه بالظباط المرفودين بسبب انحرافاتهم الخلاقيه و سكرهم مع الأجانب .. التنظيم الوسخ عرف يلم الظباط دول مع أنهم اغلبهم ما كانوش يعرفو بعض .. كانو فى اسلحه ووحدات مختلفه تماما .. و التقارير بتقول أن اغلبهم عمرهم ما شافو بعض .. التنظيم الوسخ بتاع امريكا لمهم .. و عمل بيهم شله وسخه .. و جمع حواليهم شوية عيال قابضين و حطوهم فى خيمه فى التحرير و قالو عنهم شرفاء .. و بلغو امريكا أنهم يستحقو فلوس اكتر عشان عملو انقلاب فى الجيش .. حاولنا نحل الموقف من غير ضحابا .. كنا عاوزين نطبق القانون و بس .. نقبض على الظباط الخونه ونحاكمهم بالقانون .. و ننهى المسأله بشكل رسمى و مشرف للعسكريه المصريه و للشعب المصرى كمان .. لكن واضح أن العيال بتوع امريكا كانو رائين مبالغ كبيره على الصيع اللى فى الميدان يومها .. و ضاحكين على ناس كتير تانيين .. و تدخلنا اتعرض لمقاومه بلطجيه مرعبه .. طبعا الموقف اصبح لا يحتمل هواده .. مستحيل اسمح أن وحده من الجيش المصرى تنهزم من شوية بلطجيه .. و على ارض مصر .. اتدخلنا بالقوه اللازمه .. و من ساعتها و الأعلام بتاع رجال العمال و قطر و غيرها و هو بسيصورنا للشعب على أننا محتلين ..
حتى العيال بتوع أمريكا .. بقو يقولو الجيش احتل الميدان .. هاهاهاه ( ضحكه متالمه .. ) و ساعتها مافهمناش يعنى ايه .. هى الصينيه مش فى مصر ؟ بلدنا اللى بنحميها ؟ يعنى ايه لما نفرض فيها النظام نبقى قوة احتلال ؟ .. طيب هم العيال بتوع امريكا لو اخدوها .. مش ده يبقى احتلال و هزيمه للجيش المصرى على أرض مصر ؟ .. المهم ..

الأعلام اياه اشتغل حريقه علينا .. و العيال الفلوس بتنزل عليهم ترف ..يشترو بلطجيه ده غير ظباط أمن الدوله السابقين اللى بيساعدوهم و بيشتغلو عند الواد العبيط بتاع امريكا ده اسمه .. ايه ؟
عمر عفيفى يا فندم
ايوه .. عفيفى .. عارفينه طبعا ..
همهمات باسمه .. بألم شديد
كنا فاهمين أننا مخترقين اللتراس .. لكن واضح ان الدولار بيتكلم احسن مننا .. مالقيناش غير الأخوان نرتب معاهم شويه عشان نحافظ على الحشد الشعبى .. و نبتدى نبنى بقى و نسلم البلد لمصريين حقيقيين جايين بانتخابات .. و نرجع لشغلنا اللى نفهمه و نعرفه .. لكن واضح أن الضرب بدا ييجى من القريب و البعيد .. قطر تبعت فلوس .. السعوديه تبعت فلوس .. امريكا تبعت فلوس .. و السلاح بدا يظهر .. و بدا الضرب يبقى على عينك يا تاجر .. أسرائيل تبعت فرقه كامله تحتل العريش و تعلن اماره اسلاميه لمدة تسع ساعات

يقاطعه اللواء مراد : يا فندم ما احنا ردينا على عملية العريش بعملية ايلات و قتلنا منهم سته من القوات الخاصه و منهم بطلهم فى الرمايه ..ده احنا حرقنا قلبهم

يرد المشير .. ما هم اتحرقو قوى و قتلو عساكرنا برضه بغباوه وكانت هاتقلب بمصيبه لولا تقديرنا للموقف و قلنا كفايه اننا اخدنا تصريح قدام العالم بأننا نزود قواتنا فى سينا اكتر من التفاقيه اللى خانقانا .. المهم .. خلينا فى المهم

الضرب اشتغل من بره و من جوه .. اللى من بره احنا عارفينه و متمرنين عليه .. مابنحخافش منه .. لكن الخيانه من جوه . ما نعرفش نواجهها .. مش بتاعتنا .. السياسه حاجه وسخه قوى .. و احنا اتربينا على شرف عسكرى و قيم .. تمنعنا تماما ندخل فى الوساخه دى

الوجوه الأن بدأ عليها شىء من الترقب و الأمل .. بل حتى بعض الأرتياح
يكمل المشير .. انا كتبت مسودة البيان ده .. يشرع الصول الوفى فى توزيع لبيان على أعضاء المجلس العسكرى الذين انهمكو فورا فى قراءة تفاصيله ..و ابتساماتهم بدأت تعلو الوجوه
عاوز رايكم فيه .. انا مش هاخد قرارات لوحدى عاوز رايكم كلكم


مشهد خامس .. السابعه مساء يوم الجمعه 30 سبتمبر

ريم ماجد على قناة أون تى فى .. و ابتسامة سعاده بالغه على وجهها .. و خلفية الصوره حالة فرح عارم فى ميدان التحرير المكتظ بالمتظاهرين .. تقول
اقرا عليكم الأن بيان المجلس الأعلى للقوات المسلحه المصريه
مشهد سادس .. قناة الجزيره القطريه .. الساعه السابعه مساء يوم الجمعه 30 سبتمبر
الصوره لميدان التحرير مكتظا بالمتظاهرين يقفزون بفرح بالغ .. و المذيع يقول . الآن تحررت مصر .. سقط آخر الفراعنه .. اقرا عليكم الآن بيان المجلس العسكرى

األى جموع الشعب المصرى الحر .. أجتمع المجلس العسكرى لتدارس الوضع الحالى فى البلاد , وفى ظل التطورات الداخليه و الخارجيه , و بمراجعة كافة الأحداث التى واكبت ثورة شعب مصر العظيم .. و استكمالا و تصحيحا لدور القوات المسلحه المصريه التى هى الدرع و السيف لكل المصريين .. و لأننا تبينا عدم قدرتنا كعسكريين على ادارة الحياه المدنيه التى يطمح اليها المصريون بالشكل الذى يلبى احلامهم و آمالهم .. قررنا بالأجماع
التخلى تماما عن اى دور سياسى أو أدارى مدنى فى البلاد , و التفرغ التام لأداء مهمتنا الساسيه التى تحمل شرفنا العسكرى و أنتمائنا الوطنى , و نترك المر لمجلس وزراء الدكتور عصام شرف لتنظيم الوضع الداخلى للبلاد بما يحقق أحلام و مطالب الشعب ..

و ...ريم ماجد تسال مراسل أون تى فى من التحرير .. ما هو شعورو الثوار الآن بعد هذا النتصار ؟ ..
ريم معى الآن احد الثوار المنتصرين .. يتحدث أليكم بنفسه
يظهر شاب فى العشرينات تقريبا .. يتحدث بلهفه و صوت مبحوح من البكاء .. أيوه . احنا دلوقتى اتحررنا من العسكر .. ايوه .. بلدنا بقت بتاعتنا .. و ( يصرخ ) يسقط يسقط حكم العسكر .. و حوله زملائه ايضا فى العشرينات او أقل .. يهتفون قافزين ..ز يسقط يسقط حكم العسكر .. يدخل فى الكادر علم اخضر كبير .. عليه شهادة الا أله ألا الله .. و أن محمد رسول الله .. و عليه السيفين المتقاطعين .. يدفعه ملتحون بين الكاميرا و بين العشرينى مبحوح الصوت .. يخطف ملتحى الميكروفون .. الحمد لله و الله أكبر .. الحمد لله و الله اكبر ..تحررنا و الحمد لله ..
العشرينيون يزيحون العلم و يتدافعون للعوده للظهور امام الكاميرا ... مبحوح الصوت يقول بسرعه .. الشعب يريد دوله مدنيه .. و خلفه العشرينيون او اقل يصرخون مدنيه مدنيه ..
الملتحون يقحمون علم السعوديه مره اخرى بين العشرينى مبحوح الصوت و الكاميرا و يهتفون اسلاميه اسلاميه .. . التدافع يتزايد و الكل يسعى للظهور على الهواء فتأتى حركتهم فى اتجاه الكاميرا .. أصوات الهتاف تتداخل .. يتحركون اسرع من المصور .. الصوره تهتز .. و الكاميرا يرتفع كادرها اشاره ألى سقوط المصور على الرض .. ينقطع الرسال من التحرير .. و تظهر ريم ماجد على وجهها شبح ابتسامه تحاول ان تخفى بها قلقها . ثم تتسع الابتسامه التليفزيونيه .. و تعلن..ز فرحة الناس الليله اكبر من فرحتهم بسقوط مبارك .. فاصل قصير

مراسل الجزيره يستضيف ملتحى حوله ملتحين آخرين .. يعلن الملتحى بصوت جهورى أن الحمد لله و الله اكبر .. و الصلاة و السلام على سيدنا محمد سيد الخلق و اشرف المرسلين .. أما بعد .. نعلن الآن أن الله قد أعز الأسلام بعودة مصر للخلافه الأسلاميه ..و الحمد لله .. و يتعهد شعب مصر بأن يضرب مثالايحتذى للعالم اجمع على تفوق و نجاح الدوله الأسلاميه التى تحكم بشرع الله وحده .. و ما الحكم الا لله .. خلف الملتحى و حوله ملتحون ىخرون يهتفون.. خيبر خيبر يا يهود جيش محمد سوف يعود .. الملتحى يحاول الأقتراب مره اخرى من الميكروفون و ينظر للكاميرا و يقول أن موعدنا فى القدس أن شاء الله .. تتهيج الجماهير الملتحيه حوله و تهتف الله اكبر الله أكبر .. و ترتفع الكاميرا قليلا لنرى اعلام السعوديه ترفرف بغزاره و خلفها يظهر مبنى مجمع التحرير .. ثم تهتز الأعلام السعوديه التى فى الصفوف الخلفيه .. و يختلط الصوت قليلا .. ثم يرتفع صياح عظيم .. أعلام مصر تاتى من خلف صفوف الرافيعن أعلام السعوديه .. من الواضح أن اشتباكا ىبين رافعى علم مصر و صور عبد الناصر و بين رافعى علم السعوديه قد بدأ ..الملتحى المتحدث يلتفت فيفطن للمعركه فى الخلفيه .. يسارع بالتقاط الميكروفون و ينظر للكاميرا و يقول بلهاث .. سوف نطهر ارض مصر من العلمانيين الأنجاس عبدة اصنام الفراعنه .. يصرخ و هو يشارف على السقوط . يمسك خلف راسه ثم ينظر ألى يده فيراها مملوءه بالدماء .. فقد أنطلق حجر من الصفوف الخلفيه الحامله لعلم مصر ..فاصاب راس الملتحى .. يهرع الملتحى ليواجه الكاميرا بيده الداميه و اصابة راسه النازف .. و يصرخ فداك يا اسلام .. فداك يا اسلام .. يتدافع الحشد . و تسقط كاميرا الجزيره كما سقطت كاميرا اون تتى فى .. .. المذيع من استوديو الجزيره يظهر فاغرا فاه لثوان معدوده ثم يقول .. نعم تحررت مصر .. من آخر الطغاه .. و يبسم ابتسامه مرتبكه .. و يقول ..نعم . سقط حكم العسكر .. فاصل و نعود

مشهد سابع .. الساعه السابعه و النصف مساء الجمعه 30 سبتمبر
مكتب الدكتور عصام شرف .. بوجهه العابس بطفوله عجيبه يتحدث لنائبيه على السلمى و حازم الببلاوى .. يعنى ايه ؟ بيدبسونى .. هو أنا فى ايدى ايه اعمله يعنى ؟ انا استقلت مرتين قبل كده و رفضو .. طيب بقى .. انا مسقيل .. هاقدم استقالتى
الببلاوى بابتسامته الماكره يقول يادكتور عصام حقك .. بس هاتستقيل فين ؟ هاتقدم استقالتك لمين يعنى دلوقتى ؟ .. مافيش فى البلد سلطه اعلى منك تستلم استقالتك
يعنى ايه ؟ أنا اتدبست خلاص ؟
السلمى يبستم بهدؤ ارستقراطى و يقول : دولتك ما فيش تدبيس و لا حاجه .. دولتك خايف من ايه ؟ الشعب و بيحبك ..و الناس قالت ان شرعية وجودك جت من التحرير يعنى دولتك رئيس وزراء الثوره .. و لو على القدرات والكوادر ماتقلقش دولتك .. الوفد كان عامل حسابه من زمان و مجهز حكومة ظل كامله .. نقدر نعلنها فورا لو تحب دولتك
الببلاوى ينظر له ذات النظره الماكره : وفد ازاى يا دكتور على ؟ هو مافيش احزاب غير الوفد فى البلد ولا ايه ؟
يرد السلمى : لأ طبعا يا دكتور .. الوفد يقدر بسهوله ينسق مع الأخوان
الببلاوى : يعنى هو مافيش فى البلد غير وفد و اخوان ؟
السلمى لآ يا دكتور .. ممكن طبعا يبقى فيه مكان لحزب أو اتنين جداد ليبراليين .. يعنى حضرتك مثلا فى الماليه و نشوف وزاره كمان لحزبك .. اظن كده يبقى نسبه تمثيل محترمه لحزب متأسس مابقالوش شهرين
يبتسم الببلاوى راضيا ... و يقول .. ايوه .. و سيب بتاع التضامن زى ماهو عشان برضه اليسار ما يقولش انفردتو بالحكومه
شرف يصرخ .. انتو بتقسموها بينكم ولا ايه ؟ باقولكم ايه .. مش الدستور بيقول رئيس المحكمه الدستوريه يتولى الحكم لحد انتخاب رئيس .. انا هاطلب رئيس المحكمه الدستوريه حالا

مشهد ثامن الساعه التاسعه من ليل الجمعه 30 سبتمبر
باب اللوق .. قهوة الحريه .. زحام شديد من شباب و فتيات ليبراليين و ناصريين و يساريين .. الكل يشرب البيره احتفالا بالانتصار العظيم .. البعض انهمك فى غناء و رقص .. و البعض يهتف يسقط يسقط حكم العسكر .. زجاجات البيره الفارغه تزاحمت على الموائد و فى الأرض بجوار الموائد .. فمن قواعد قهوة الحريه ألا يرفع الجارسون زجاجات البيره الفارغه حتى لا يغالطه الزبائن المشاغبين فى الحساب .. صوت من شارع البستان السعيدى يهدر .. اسلاميه اسلاميه .. الصوت لمجموعة رجال بادى الخشونه .. اصوات رواد الحريه تنخفض قليلا متوجسين .. لجظات و تأتى اصوات صيحات حريمى من الندوه الثقافيه المجاوره للحريه ( لا تقدم البيره .. فقط مشروبات ساخنه و شيشه ) .. يخرج بعض المراهقين من المحتفلين فى الحريه فى ايدى بعضهم زجاجته الخضراء يستطلع الأمر .. فيرى منتقبتين تجرجران سافره ترتدى بلوزه بحمالات من شعرها .. بينما يدافع عن السافره شاب يعقد شعره ديل حصان خلف راسه .. يدفع أحدى المتقبتين .. فورا يندفع ملتحى قادم من المظاهره الهادره باسلاميه اسلاميه .. يشل حركة الفتى صاحب ديل الحصان و ينهره أياك أن تمد يدك النجسه على ألأخت المنتقبه يا فاجر ..
تتحرك مظاهرة اسلاميه اسلاميه لتقف فى مواجهة قهوة الحريه .. مراهقو الحريه يتكتلون و فى يد كل منهم زجاجتى بيره استعدادا للدفاع عن نفسه .. الملتحين فى الخراج يهتفون اسلاميه اسلاميه .. فى داخل القهوه فتيات يطلبن اصدقائهن على قهوة البورصه القريبه بسرعه .. الحقونا .. الحقونا .. الأخوان بيهاجمو الحريه .. الحقونا ..
الهتافات تعلو امام الحريه اسلاميه اسلاميه .. يتجرأ بعض رواد الحريه و يهتفون .. مدنيه مدنيه ..
اصوات من ناحية صبرى ابو علم ..حشد من رواد البورصه يحمل كراسى بلاستيك و بعض عصى وزجاجات فارغه يركض بسرعه لنجدة اصحابهم المستغيثين بهم فى الحريه .. الأسلاميون يشعرون باندفاع الحشد القادم من البورصه .. ينحنى بعضهم بسرعه ليلتقط بعض الحجاره من الأرض ليرجم بها الأمداد القادم لنصرة مراهقو الحريه .. يتكسر زجاج سياره أولا .. ثم حجر داخل القهوه فتصرخ فتاه شجت راسها .. تندفع بعض زجاجات البيره من قهوة الحريه فى اتجاه الأسلاميين .. تنكسر بعضها على راس ملتحى فيصرخ و يسقط نازفا
و على جبهة صبرى ابو علم تبدأ الأسلحه البيضاء فى الظهور .. شاب يمسك جانب وجهه و يتلوى الما ,, ملتحى يمسك بجنبه محاولا لملمة احشائه التى قطعتها مطواة أحدهم .. الحابل يختلط بالنابل .. يظهر مراهقون آخرون.. فى وجوههم علامات جروح قديمه .. يتسللون داخل المعركه بلا خوف كأنهم اعتادو تلك المعارك الداميه .. أحدهم بخطف موبايل .. و الآخر يسحب حقيبة لاب توب من على كتف شاب مصاب .. يجرون فى اتجاه سوق باب اللوق .. الصعايده المالكين لمحلات السوق يشعرون بالقلق و يتمترسون امام باب السوق لحماية ارزاقهم و راس مالهم ..و يحملون اسلحه ناريه .. بعضها مرخص لهم كتجار .. اسلاميون يندفعون من شارع باب اللوق لنصرة اصحابهم .. و من عابدين يندفع غير اسلاميون لأنقاذ اصجابهم .. الأحاجر تقذف من كل جانب و الى كل جانب .. حجر يصيب وجه ابن احد التجار .. تنطلق أول رصاصه من مسدس من امام باب سوق باب اللوق ..تطيش عن هدفها .. و تسقط فتاه داخل قهوة الحريه و فى راسها ثقب غائر .. ينزف دماءا بعد ثوان من الصمت .. صراخ فى كل مكان .. و تتوالى الطلقات و الضربات

مشهد تاسع الساعه التاسعه و النصف من ليلة الجمعه 30 سبتمبر
شارع البستان السعيدى .. ملتحون يهرعون من التحرير الى باب اللوق .. و بينهم غير ملتحون يركضون ايضا ألى نفس الأتجاه .. العداء ظاهر بين الفريقين .. اشتباكات اثناء الحركه .. يسقط البعض و تبدأ المعركه مبكرا امام مركز البستان التجارى .. حجر يكسر زجاج الملهى الليلى فى الدور الأرضى للمركز التجارى .. فتظهر زجاجات الخمر داخله .. قنبلة ولوتوف عاجله يقذفها ملتحى وهو يكبر .. فتنسف الخمر و يتكفل الكحول باشعال باقى الملهى .. حجر أخر و أخر يكسرو فاترينات المحلات الخرى .. و يندفع مراهقون يحملون علامات جروح فى وجوههم لينهبو الأحذيه المستورده و الساعات الصينيه .. و يتوغلون فى المركز التجارى الذى دخلوه من الفتارين المكسوره .. صرخه حريمى تكشف عن اختباء منتقبتين فى حمام المركز التجارى هربا من الاشتباكات .. المراهقون ذوى الجروح فى وجوههم يرونها فرصه لا تعوض .. فتاتين مؤكد أنهن ابكار .. فى معزل عن ذويهم .. و تحت رحمة اسلحتهم البيضاء .. تسقط الأولى تتخاطفها الأيدى فيتمزق نقابها اولا .. ثم ملابسها و يبدأ لحمها البض فى الظهور .. فتتقاذفها احضان المراهقين ذوى الجروح .. الأخرى تركض هاربه من مصير صاحبتها المشين .. تركض باقصى سرعتها .. يلاحقها المراهقون و اسلحتهم البيضاء تلمع اكثر من اسنانهم التى اسودت من الدخان منذ الطفوله .. تركض فلا تجد مهربا سوى با ب.. الملهى الليلى .. تندفع أليه .. فيقابلها انفجار عبوات الكحول التى اصابتها قنبله المولوتوف الحارقه التى قذفها اخيها الملتحى مكبرا .. ليحرق بها شياطين

مشهد عاشر الساعه التاسعه و النصف من ليلة الجمعه 30 سبتمبر
عصام شرف على التليفون مع رئيس المحكمه الدستوريه .. رئيس المحكمه يقول له .. يا دكتور انا أحكم حين يكون هناك دستور استمد منه شرعيتى .. لكن دستور 71 سقط تماما .. لا شرعيه لأن أحكم أنا ابدا
شرف يقول .. يا سيادة المستشار أنا كمان ماليش شرعيه .. سيادتك تولى المنصب و اعلن عن الانتخابات و نسلمها لرئيس منتخب و خلاص
يرد المستشار لا يجوز .. لابد من وضع دستور أولا ليتناسب مع الشرعيه الثوريه .. و ساعتها يمكن أن اتولى اى منصب أو مهمه
شرف .. يا سيادة المستشار لو فيه دستور ما كنتش كلمتك اصلا
..
غاضبا يطلب وزير الداخليه .. يا عيسوى .. الشارع بيولع .. اعمل حاجه .. مافيش جيش خلاص
يرد العيسوى .. يا فندم أنا مستحيل انزل عساكر امن مركزى دلوقتى ..كفايه اللى حصل المره اللى فاتت
امال انت لازمتك ايه دلوقتى أنت و ظباط الداخليه كلهم؟
يا فندم انا مهمتتى دلوقتى تامين مخازن السلاح قبل ما يسرقوها الارهابيين و البلطجيه و محاولة تأمين السجون كمان عشان مايحصلش زى المره اللى فاتت
سجون ايه و سلاح اييه ؟ ماحدش هايعمل حاجه من دى دلوقتى
حضرتك مش عارف بقى ..
مش عارف ايه ؟
حضرتك فيه تلات سجون فى الصعيد انضربو بسلاح مدفعيه تقيل متهرب من ليبيا غالبا و المساجين طلعو منهم
هربو ؟
ياريت هربو .. دول استلمو سلاح من اهاليهم و دلوقتى هجمو على محلات دهب و بنوك و بيوت كمان
و الشرطه فين ؟ الظباط بتوعك فين ؟
يا فندم عندى ااربعين شهيد من الشرطه فى الصعيد بس .. غير الأصابات ,. و أغلب الضباط اخدو سلاح وراحو يحمو بيوتهم و اولادهم يعنى ايه ؟ يسيبو واجبهم و يجرو ؟
يا فندم واضح أن حملة الأغتيالات السياسيه اللى هددت بيها اسماء محفوظ على التويتر بدأت يا فندم .. فيه اتنين مديرين أمن و تلات لواءات وعمدا اتقتلو فى بيوتهم يا فندم
عصام شرف يفتح فاه مرعبوا مذهولا
يا فندم اذا كان الجيش انسحب قدامهم .. حضرتك عاوز الشرطه تعرف تعمل حاجه ؟


مشهد حادى عشر الساعه العاشره ليلة الجمعه 30 سبتمبر
شارع البستان السعيدى بين التحرير و باب اللوق .. جرحى و قتلى ملقها أجسادهم على الأرض و اغلبهم يرتدى ملابس رياضيه ملونه .. ملتحون بجلاليبهم البيضاء ملوثه بالدماء يكبرون .. و يحمدون الله و يصرخون ... اسلاميه اسلاميه .. فتاه كانت سافره و الآن صارت عاريه تصرخ من مدخل احدى العمارت و جسدها الدامى ينزف بغزاره .. و حولها لفيف من الملتحين ينظرون بارتياح لفعلتهم فى تلك الغنيمه الكافره .. ملتحون آخرون يدفعون باب بنك مصر الموجود فى فرع البستان .. و معهم عدد من المراهقين مجروحى الوجه .. الملتحون يهتفون أن الربا حرب على الله و رسوله .. و المجروحى الوجوه يتهامسون .. الطفاشه مش هاتنفع لازم نكسر الباب .. دقائق و ينهار باب بنك مصر .. يندفع الملتحون و المراهقون مجروحى الوجوه . وكما تم تفريغ مركز البستان التجارى و حرقه ..يتم تفريغ بنك مصر و اشعال النار فيه .. اثناء خروجهم من البنك محملين بما غنمو ..يرتطم أحد مجروحى الوجه بتمثال صغير .. فيسقط التمثال متهشما على الأرض .. يلتفت له أحد الملتحين و يبتسم فى وجهه قائلا .. بارك الله فيك .. حطمت صنما .. ينصرفا سويا .. و يتركا خلفهما قاعدة التمثال الفارغه .. مكتوبا عليها .. طلعت باشا حرب .. مؤسس الاقتصاد المصرى الحديث

مشهد ثانى عشر بعد ايام معدوده من يوم الجمعه 30 سبتمبر
ريم ماجد فى أون تى فى تعلن فى وجوم .. أنا احد فلول النظام أطلق قذيفه صاروخيه مهربه من دوله ترعى التطرف على احدى السفن العابره لقناة السويس فاغرقها .. و توقفت الملاحه فى القناه لغرق السفينه

مشهد ثالث عشر بعد يومين ..
ريمماجد تقرا بيان حلف الناتو الصادر من قيادته فى شمال افريقيا .و مقرها بنى غازى .. تشعر دول حلف الناتو بالقلق الشديد من توقف الملاحه فى قناة السويس واعلان سيناء أماره اسلاميه .. كما تعلن قيادة الناتو استعدادها لأرسال فرق لمساعدة الجيش المصرى فى حماية معبد ابو سنبل من التدمير بعد أن نجح الأرهابيون فى تدمير واجهة معبد حتشبسوت بدعوى تطهير مصر الأسلاميه من الأصنام

مشهد رابع عشر بعد يوم
غرفة علميات القوات المسلحه .. المجلس الأعلى مجتمع بكامله .. يتحدث قائد البحريه قائلا
رصدنا حركة المدمره المريكيه و معاها سفن انزال اتحركت من تركيا .. متجهين لبورسعيد فى الغالب
المشير يقول مبتسما بعمق .. عشنا بشرف .. و هانموت بشرق .. مافيش غريب هايلمس تراب مصر .. لو هانت مصر على كل المصريين .. مش هاتهون علينا احنا .. يلتفت لرئيس اركانه .. يبتسم عنان قائلا .. تمام يا فندم .. يرفع عنان الهاتف الخاص برئيس الركان .. يضرب بعض الأزرار لدخال كوده الخاص .. حين يتلقى الرد من سلاح الأشاره يقول .. عموم الجيش .. خالدون
يضع السماعه مبتسما بتقاؤل و كبرياء .. و يشاركه زملاؤه التفؤل و الكبرياء .. فرسالته كان معناها
تعليمات لعموم الجيش
الكود .. خالدون .. و كلمة خالدون فى العسكريه تعنى ..النصر أو الشهاده .. فلا مخلد فى الجنه سوى الشهيد .و لا خالد الذكر فى الأرض الا المنتصر . و خالدون تعنى بوضوح أمر بالأشتباك مع أى معتدى حتى النصر .. او الشهاده


مشهد خامس عشر بعد يوم
جابر القرموطى يقرا المانشيتات
بيان البيت البيض المريكى يعلن عن قلقه البالغ أزاء التطورات فى مصر .. و يرفض تماما اغلاق المجرى الملاحى قناة السويس , و ايضا يعلن رفضه التام لحوادث التطهير العرقى ضد المسيحيين فى صعيد مصر .. و عليه فقد كلف رئيس أركانه و قائد قواته البحريه فى البحر المتوسط بأن ......و


12 Comments:

Blogger Eslam Gamal said...

خيال واسع أوي ... مهما حصل لا يمكن يكون ده السيناريو المحتمل ... الجيش لا يمكن يتخلى عن البلد في ظروف زي دي ................. انه السيناريو الخيالي الأسوأ !!!

10:18 AM  
Blogger norahaty said...

أنا قرأت وتهت
وعرفت و اكتأبت(؛
ربنا يستر لا اجد
غيرها كلمة على
بالى

10:48 AM  
Blogger kantylis said...

:) nice..

3:16 PM  
Blogger kantylis said...

:) nice..

3:17 PM  
Blogger sarah mourad said...

ممكن اسئل سؤال هو مادام المشير فى هذا التصور يعنى كان راجل محترك اوى كده وعارف معنى الشرف وعارف مدى وساخه العدلى وسوزان وجمال ومبارك
ممكن اعرف ليه فى الحقيقه اللى بعيده تماما عن هذه التصورات كان بيتكلم عن مبارك اللى هو المفروض وسخ يعنى بكلمة سياده الرئيس
وليه لما شهد ما شهدش بوساخته هو والعادلى وجمال بالعكس شهادته كانت فى صالحهم ؟؟؟؟؟؟؟؟؟؟؟؟؟؟؟؟؟

4:29 PM  
Anonymous د عبير شوقى said...

تحياتى لصاحب المقال على خيال اقترب من الحقيقة واقعنا اصبح مرعب وربنايستر

5:01 PM  
Blogger مها العباسي said...

رؤيه واضحه وتحليل منطقى مبنى على تسلسل طبيعى للاحداث
يمكن اكون مستبعده النهايه ومستبعده ان الجيش يتخلى عن موقفه ويرجع ثكناته تارك الوطن بين انياب الغيلان
لكن فى النهاريه لو استمر الوضع على ماهو عليه من تجاهل للحقائق الواضحه وضوح الشمس فللاسف النهايه هاتكون زى ماتوعتها ولكنه يظل السيناريو الاسوأ
والافتراض المظلم والنهايه لتى نتمنى جميعا انها ماتجيش

5:58 PM  
Blogger ابراهيم said...

لا أدرى ماذا أقول
عموم الجيش خالدون تتردد فى عقلى منذ قرأتها فى مقالك عشرات المرات فى اليوم الواحد يا ترى هل سيأتى هذا اليوم
كنت قريبا من أن أحكم على المجلس العسكرى بالخيانة إلا أنى وفى كل مرة أذكر نفسىى أن الوعى فى الجيش المصرى عال جدا وهذا أى الوعى من أكبر الفوارق بين الجيش والشرطة ولهذا أيضا ما كان للمشير أن يصدر أمرا بضرب الثوار وهو لم يرده وكنت أذكر نفسىى باللواءات التى فى الظل وتعمل فى صمت
ومدى علمهم ببواطن اﻷمور وربطهم الأحداث المتنافرة ليصنعوا منها صورة واضحة المعالم يستخدمونها فى تصريف اﻷمور
أنا ما زلت أراهن على هؤلاء ممن لا نعرفهم الموجودين فى المخابرات العامة والعسكرية وهيئة عمليات القوات المسلحة فكلهم بقيادة المجلس العسكرى قادرون ان شاء الله على الخروج بنا من هذا الطريق المظلم

10:29 AM  
Anonymous Mohamed said...

I wonder if your old aging friend has something to say about the current situation (I hope he is alive and well).
I believe you are trying to stitch together some loosely connected threads. Looking at the last 3 or 4 posts one can see the mood swings (from the theme of the three honorable Knights to the Field-marshal who is not taking stern measures but rather balancing acts to the last two posts supporting the tangled and convoluted conspiracy). I'd say that the main thesis in this post relies on an assumption stating that the current leadership is extra-honest and ultra-patriotic. I may not agree fully with that assumption, based on many observations pre and post 2011 at least not all of them. I'm waiting for a more robust analysis in a post similar to the 2007 ones.
Thank you for sharing your thoughts though.

6:07 AM  
Blogger VØX said...

القصة ابعد ما تكون للتحليل من حيث الواقعة او الخيال

انته روائي وتكتب اللي انته شايفه او تخيالته محدش يقدر يقولك انته كاتب ايه

لكن من الواجب عليك انك تحترم مخاليه القاريء لانك بتتكب له مش لك و عشان انته بتتكلم في فكرة معينة ان الجيش بيأدي مهمة اتفرضت عليه وهو في غني عنها ولكن حسه الوطني خو الذي اجبره

لكن بطريقة السيناريو انته شعبت الفكرة اوعي وخرجتنا عن المضمون اللي انته بتتكلم فيه وده من اكبر اخطاء الرواية دي

حاول تركز اكتر وتشوف الموضوع من اكتر من زاوية بحيث انك تلم ارائنا احنا وليس رأيك الخاص او الاراء اللي بتسماعها

الناس دي كلها تفكرهم بيتم توجه من فترة انه لازم يتنمي لفئة او فكر وده كان سبب الانقسام اللي انته شراحته في الاول

في النهاية اسف للاطاله عليك لكن انا بقول نقدي بالنسبة للرواية وليس لشخصك
حيث مهما كتبت فا انت اجتهدت وتستحق الاحترام والتقدير علي مجهودك

وربنا يوفقك

10:07 AM  
Anonymous Anonymous said...

هو مش السيناريو المحتمل
لكنها الخطه المطلوب تنفيذها !!
يتحقق منها كام في المية بقي ..
ده شئ في علم الله

12:08 AM  
Blogger يا مراكبي said...

أتفق معك في هذا السيناريو بشدة

ارى ما تراه بعين الطائر من أعلى

لكن بإذن الله لن يحدث ذلك وستظل قواتنا المسلحة صامدة وتتحمل كل ذلك الأذى من أجل عيون مصر

4:06 PM  

Post a Comment

Links to this post:

Create a Link

<< Home