تاج تاج .. انا يهمنى ؟

أولا من الجميله حفصوتشا ثم من الباش مهندس كراكيب وصلنى مايسمونه بتاج .. و هو أسئله متوقعين الرد عليها .. قلت وماله .. و انا يهمنى .. ؟ ارد ماردش ليه .. و ادى الأسئله و أجابتها

أيه اللى هايحصل لأيميلك لما تموت ؟

أيش عرفنى ؟ هابقى ميت .. مش هاتفرق بقى

أديت البسوورد بتاعتك لحد قبل كده ؟

عمرها ماحصلت ... مستحييييييييييييييل

لو اه كانت طبيعة علاقتك بيه ؟

ماقلنا ماحصلش

أسمك أيه ؟

أبو اكرم

عمرك ؟

تلاته و اربعين سنه

برجك ؟

الجدى

مجالك أو مجال دراستك ؟

التجاره الدوليه و أارة الأعمال

شخصيتك نوعها أيه ؟

معقده .. أو تقريبا كده سيكوباتيه .. و يمكن سوداويه ..يعنى .. بصراحه مش فاهم السؤال

السفر بالنسبه لك؟

فيه سبع فوائد و يمكن اكتر .. بس ابقى عارف أنى مش مهاجر .. يعنى مسافر .. و راجع تانى بأمر الله ..مش هاسيب بلدى أبدا أن شاء الله

المود بتاعك ؟

شبه شخصيتى كده .. بمعنى آخر .. مش فاهم السؤال برضه

وقت فراغك بتعمل فيه أيه ؟

باخرج غالبا .. أو أقرا .. أو أكتب .. أحيانا ألعب رياضه لو فيا حيل

الأكله المفضله ؟

محشى ورق العنب , الحمام المحشى بالفريك . و أى حاجه من البحر

.

الصفات اللى أخدتها من بابا

الصمت , عمق التفكير , البحث دائما عن الحقائق , عدم القابليه للتشويش على أفكارى .. التسامح مع الغير و البحث عن دوافعهم الحقيقيه أذا أخطؤا,

الصفات اللى أخدتها من ماما

العصبيه , العناد و المثابره لتحقيق هدف , شكل عيونها

أكتر ستة حاجات أكرهها

الغباء

الخيانه

البخل

الجبن

الكسل

و أكيد بناء عليه باكره حسنى مبارك

أكتر ستة حاجات باحبها

بعد أولادى طبعا

الست الذكيه البسيطه

الحريه

الشجاعه

التخطيط السليم

القراءه

الشغل بالنسبه لك

محور حياتى

ايه الكومبيوتر و النت بالنسبه لك

أهم مصدر للمعلومات و التواصل و ترتيب العمل و حتى الحياه الخاصه

بس خلاص .. زى شكة الدبوس